Jeremiah 50:10 - Hawaii Pidgin Bible

¹⁰ Az how da army guys goin clean out Eryting inside da Babylon land. Dey goin rip off eryting dey like from ova dea.” Az wat Da One In Charge tell.

Jeremiah 50:10 Referans Kwoze

Jeremiah 25:12

An Da One In Charge tell: “But wen da seventy year pau, I goin punish da Babylon king an his peopo an wipe out dea land, cuz dey get da blame fo da bad kine stuff dey wen do. An I goin wipe out dea land foeva, an dis goin make peopo come shock foeva.

Jesus Show 17:16

Da ten horn you wen see, dey da sign fo ten kings. Togedda wit da Wild Animal, dey goin hate da hoa. Dey goin take away eryting she get, an leave her wit notting, not even clotheses. Dey goin eat her up an burn up da res a her body wit fire.

Jeremiah 27:7

All da diffren peopos goin come work fo him, an his boy, an his grankid. But den, da time goin come fo odda peopos an strong kine kings fo take ova his country Babylon, an make him an his peopo work fo dem.

Isaiah 45:3

I goin give you all da rich kine stuffs Dat dose nations keep inside dark secret places. Da rich kine stuffs dat peopo hide Inside one place wea nobody know. Den you goin know dat me Da One In Charge, Da God fo da Israel peopo. I call you by yoa name fo come by me.

Isaiah 33:23

You Assyria army guys, You jalike one boat dat da rope stay hang down An no can make da mast stan up strong An no can make da sail catch da wind. You guys get plenny stuffs, But da Jerusalem peopo, Dey goin take um all away from you guys An half half um wit da odda Jerusalem peopo. Even da guys dat no can walk good, Dey goin take away yoa stuff too.

Isaiah 33:4

Da Judah peopo goin grab All da stuffs dat you Assyria guys Wen rip off from odda peopo, Jalike wen da locust kine grasshoppa Come real quick an grab All da food from one field. Az how da peopo goin run All ova da place fo grab stuff, Jalike da locust kine grasshoppa inside da field.

Jeremiah 50:26

Go attack Babylon from ery side! Broke down da storage places wea dey stash da wheat an barley! Pile up da stuffs you rip off! Wipe out eryting, Jalike fo make um come one big sacrifice fo Da One In Charge! No let nobody from Babylon stay alive.

Jeremiah 51:24

Da One In Charge tell: “You goin see wat goin happen wen I pay back da Babylon peopo an erybody dat live ova dea fo all da bad kine stuff dey wen do inside Jerusalem town. An I goin do dat in front you Judah guys.”

Jeremiah 51:35

‘We like da Babylon peopo get da blame Fo how dey wen bus up us guys an oua relatives.’ Az wat da peopo dat live on Mount Zion tell. ‘Dey get da blame fo make oua peopo bleed an mahke.’ Az wat da peopo dat live inside Jerusalem town tell.”

Ezekiel 11:24

God Spirit lif me up an take me by da Israel peopo dat stay prisonas Babylon side, inside da dream I get from God Spirit. Den dis dream I see disappea.

Jeremiah 50:37

Goin get war Agains da Babylon guys horses an war wagons, An agains all da army guys From odda countries dat stay wit dem. Dey goin come real sked an lose fight, jalike dey wahines. Goin get war Fo take away all dea rich kine stuff. Da army guys from anodda place goin rip um off.

Habakkuk 2:8

Cuz you guys wen rip off plenny nations, All da peopos dat still stay alive goin rip off you guys. Az cuz you guys wen make peopo bleed an mahke. An wen wipe out lands an towns an erybody inside um.