Jeremiah 49:36 - Hawaii Pidgin Bible

³⁶ I goin bring armies fo fight da Elam peopo, Jalike I stay make da four winds come agains um. Da winds goin come from all ova da sky. I goin make da Elam peopo come prisonas, An I goin sen um to all da lands, Jalike dey go wea eva da wind blow um. No goin get even one nation Dat no mo prisonas, Da prisonas I throw outa Elam!

Jeremiah 49:36 Referans Kwoze

Jeremiah 49:32

Da army guys goin rip off dea camels. Dey goin steal all dea cows. I goin make dem scatta all ova da place, All da ones dat cut dea hair spesho fo dea gods, No matta how far away dey live, I goin make bad kine stuff happen to dem An goin come at dem from all ova da place.” Az wat Da One In Charge tell.

Jesus Show 7:1

Afta dat, jalike one dream, I see four angel guys stan by da four cornas a da earth. Dey stay hold back da four winds so dey no can blow on top da land o da ocean o on any tree.

Amos 9:9

Da One In Charge tell dis too: “You know wat I goin do? I da one dat goin tell ‘Make da peopo dat stay agains you Israel guys Throw you outa yoa land An make you go diffren countries fo live dea!’ Goin be jalike wen somebody shake one straina An all da small rocks stay inside da straina, But da good stuff fall down to da groun.

Daniel 8:8

Da goat come mo strong still yet. But wen he come mo strong, somebody broke off da big horn. Den on top dat place, four horns grow up to da four winds inside da sky.

Ezekiel 5:10

Az why, right wea you guys stay, da faddahs goin eat dea kids, an da kids goin eat dea faddahs. I goin punish you guys, an I goin scatta da peopo dat still stay alive fo dem go all ova da place.

Jeremiah 30:17

But I goin make you guys come good. An make da places you bleed come good. Peopo call you guys, ‘Da guys dat no mo place fo go, Da ones dat go Mount Zion fo pray, But no mo nobody like take kea dem.’ ” Az wat Da One In Charge tell.

Daniel 11:4

Afta he mahke, his peopo goin broke up in four part, an da land wea he was king goin come four countries. Da ones dat come kings fo dose countries, no goin be from his blood, an da countries no goin be da same jalike wen he was king. But odda guys goin grab da land wea he was da king, an take ova da new countries.

Daniel 8:22

Da four horns dat come up wen da firs horn broke off, dass four king kine lines dat goin take ova afta da firs king. But dey no goin get da same kine powa jalike da firs one.

Ezekiel 5:12

One third you guys goin mahke inside da town cuz dey goin come sick real bad kine, o dey no mo notting fo eat. One third you guys goin mahke from da sword fight outside da town. An one third you guys I goin scatta all ova da place. Den I goin pull out my sword an go afta dem.

Isaiah 56:8

Dass wat Da One In Charge, da Boss, tell! He goin bring togedda Da Israel peopo dat stay scatta all ova da place, Cuz odda peopo wen throw um outa dea land. He tell, “I still yet goin bring mo odda peopo Fo come togedda wit dem.”

Isaiah 27:13

Dat time, one big sheep horn trumpet goin blow. Da Israel peopo dat stay go all ova da place inside Assyria An da ones dey wen make go Egypt side, Dey all goin go God spesho hill inside Jerusalem town, An go down in front Da One In Charge Fo show love an respeck fo him ova dea.

Isaiah 11:12

He goin hold up one flag so all da peopos know wea fo come. He goin bring togedda all da peopo Dat da odda kings wen throw outa da Israel land, An da Judah guys from far place all ova da world.

Songs 147:2

Da one dat stay build Jerusalem town One mo time, az Da One In Charge! He bring back togedda da peopo Dat was prisonas Babylon side.

Rules Secon Time 28:64

“Den Da One In Charge goin make you guys go all ova wea diffren peopos stay, from one side a da world to da odda side. Wen you go dea, you guys goin go down in front odda gods, da kine gods dey make from wood an stone. You guys an yoa ancestas neva know dat kine gods befo time.

Rules Secon Time 28:25

“Da One In Charge goin make da peopo dat stay agains you guys win ova you. You goin go fo attack dem from one place, but run away from dem to seven places. Peopo in all da diffren countries on top da earth goin come bum out wen dey tink bout you guys.

Zekariah 6:5

Da angel tell me, “Dese, da four spirits from da sky. Dey stay go out afta dey wen stan in front da Boss Fo Da Whole World.