Jeremiah 48:33 - Hawaii Pidgin Bible

³³ No mo nobody get good fun O stay good inside, In da places wea get fruit trees Inside da Moab land. I no let nobody step da grapes An yell cuz dey stay good inside Fo make da wine. If you hear um stay yelling, Az not cuz dey stay good inside.

Jeremiah 48:33 Referans Kwoze

Haggai 2:16

Dat time, you guys wen tink you goin harves twenny bag wheat, but wen you get dea, az ony ten bag. You guys go one place fo step da grapes fo make fifty gallon wine, but you get ony twenny gallon dea.

Isaiah 5:10

Ten acre grape field Goin give ony six gallon wine. An ten bag seed Goin give ony one bag food.’

Joel 1:16

We can see dat da food stay cut off! Da peopo inside da Temple Fo Oua God no stay good inside.

Joel 1:5

Wake up, you piloot guys, an cry! All you guys dat suck up da wine, cry loud! Cry bout da juice fo make da wine, Cuz da locus, dey no let da wine reach yoa mout!

Isaiah 9:3

God, you goin make da Israel peopo come mo plenny peopo. You goin make da peopo come real good inside. Dey goin dance an sing in front you, Jalike wen da peopo harves da food inside dea fields An dey stay good inside, An jalike wen da army guys steal rich stuffs from da guys dey wen fight, An give dea frenz some a da stuff, Dey all stay good inside.

Isaiah 7:23

But afta da army guys go way, all da place wea had tousan grape plants worth tousan piece silva, now eryting dat goin grow afta, ony goin be thorn kine plants.

Amos 5:17

Cuz wen I go thru da land wea you guys live, I goin punish you guys. Peopo goin cry plenny, Even inside all da grape farms!’ ” Dass wat Da One In Charge tell.