Jeremiah 48:31 - Hawaii Pidgin Bible

³¹ Az why I cry fo Moab. I yell fo help fo all da Moab peopo. Peopo moan fo da guys Kir-Heres side.

Jeremiah 48:31 Referans Kwoze

Isaiah 15:5

Inside I stay cry fo da Moab peopo. Da peopo from dea run all da way to Zoar town An to Eglat-Shelishiyah. I stay cry cuz dey go up da way fo go to Luhit, An dey still stay cry wen dey stay going. I stay cry cuz on top da road to Horonaim, Da peopo stay yell An tell bout dea place Wea eryting stay broke.

2 Kings 3:25

Dey bus up all da towns, an all dem throw one stone on top all da good fields till get stone all ova um. Dey make da pukas fo watta so da watta no come out, an cut down all da good trees. Ony Kir-Hareset town neva get bus up. But da Israel guys put guys wit slings fo throw stones all aroun Kir-Hareset, an attack dat place too.

Jeremiah 48:36

Da One In Charge tell dis too: “Dass how come inside, I stay sore fo da Moab peopo, Jalike wen somebody play One funeral song wit one flute. I stay sad inside lidat, Cuz all da rich kine stuffs Dat da Kir-Heres guys wen stash Stay gone awready.