Jeremiah 48:28 - Hawaii Pidgin Bible

²⁸ You Moab peopo, go way from all yoa towns. Go live inside da cliffs an da caves. Make jalike da rock dove dat make nes Inside one puka on top da cliff, an da odda side a one gulch.

Jeremiah 48:28 Referans Kwoze

Love Song 2:14

Eh! You jalike my dove! Jalike you get nes inside da rough rocks, Inside da far places on da mountain side. Let me see yoa face! Let me hear you talk, Cuz sweet, yoa voice stay! An yoa face stay beautiful.

Local Leadas 6:2

Da Midian peopo make real strong presha agains da Israel peopo. Az why da Israel peopo make places fo hide inside cliffs an caves, an odda strong places inside da mountains.

Jeremiah 49:16

You tink you can make peopo come sked a you, An you get big head. But you ony bulai you! You guys stay wea you can hide inside da cliffs, An you guys take ova da top a da hills, Even if you guys make yoa nes high, jalike one eagle, I goin bring you guys down from dea!” Az wat Da One In Charge tell.

Jeremiah 48:9

Go put salt on top da Moab fields, Fo make shua notting can grow dea! Da whole land goin come all bus up. Da Moab towns goin come wipe out, Fo nobody live inside dem.

Isaiah 2:19

Peopo goin go inside caves inside da big rocks, An inside da big kine pukas undaneat da groun, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

1 Samuel 13:6

Wen da Israel guys see az goin be bad fo dem, an dat da Israel army get plenny presha, dey lose fight an dey go hide inside da caves an bushes, inside da cracks in da cliffs, an inside holes cut in da rocks an pukas fo watta.

Start 8:12

Still yet, he wait one mo week fo let go da dove one mo time. Dat time, da dove no come back by Noah.

Jeremiah 49:8

“You guys from Dedan town, Turn aroun, run away from Edom! Go hide inside da caves! Cuz da time goin come Fo me punish da peopo dat come from Esau. I goin make real bad kine stuff happen fo punish dem.