Jeremiah 48:27 - Hawaii Pidgin Bible

²⁷ Befo time, was da Israel peopo Dat you Moab guys wen make fun a dem, aah?! Fo shua, you guys wen make lidat! You tink da Israel peopo Ony steala guys, aah?! No ways, dey neva make lidat! But az why you shake yoa head an tink, ‘Laytas wit dem!’ Weneva you talk bout da Israel peopo.

Jeremiah 48:27 Referans Kwoze

Jeremiah 2:26

“Jalike one steala guy come shame wen da security guys catch um, Az how da Israel ohana come shame— Dem, dea king guys, an dea leadas, Dea pries guys, an dea guys dat suppose to talk fo God.

Zefaniah 2:8

Da One In Charge tell: “I wen hear da Moab peopo Talk bad bout my peopo. I hear da Ammon peopo make fun a my peopo, An talk bad bout um too. Dey tell dey goin take ova da land wea my peopo live.”

Ezekiel 25:8

Dis wat me Da One In Charge, da Boss, tell: “Cuz da Moab peopo an da Seir peopo tell, ‘Look! Da Judah ohana peopo come jalike all da odda peopos awready!’ ”

Matthew 27:38

Dey hang two prisona guys on top two crosses nea him, one on da right side an da odda one on da lef side.

Matthew 26:55

Right den an dea, Jesus tell all da peopo, “You guys tink I one crook, o wat? You guys tink you gotta come afta me wit swords an clubs fo bus me? Eh, I was wit you guys fo teach you inside da open lanai fo da temple ery day, an you neva bus me dat time.

Matthew 7:2

Da way you guys judge da odda guys, dass how God goin judge you guys too. An da rules you guys use fo judge, he goin use da same rules fo judge you guys too.

Zefaniah 2:10

Cuz dey get big head. Dey talk bad an talk big To da peopo fo Da One In Charge, Da God Ova All Da Armies, Dis wat goin happen to dem:

Ezekiel 36:4

Az why you Israel mountains gotta lissen up wat Da One In Charge, da Boss, tell! He stay talk to da mountains an hills, da gulches, da valleys, da places dat stay skery cuz dey all wipe out. He stay talk to da towns dat erybody bag from too. Da odda peopos aroun you guys wen rip off dose towns an make fun of um.

Ezekiel 36:2

Da peopo dat stay agains you mountains tell, ‘Ahanas! Da real high mountains dat stay from befo time come oua property awready!’

Ezekiel 35:15

Cuz you Edom guys wen dance an sing an stay good inside wen odda guys wase da Israel peopo property, az how I goin make to you guys! You Seir Range peopo, an all you Edom peopo, I goin let odda guys wase you guys land an make eryting dea come skery. Den peopo goin know dass me Da One In Charge do all dat!”

Jeremiah 18:16

Odda peopo goin bus up dea land. Odda peopo goin come shock erytime dey see um. Erybody dat go by dea goin come bum out. Dey goin shake dea heads cuz all bus up da land.

Songs 79:4

Da peopos dat live aroun us guys Make fun a us guys. Dey make any kine to us An talk bad bout us Jalike we notting.

Songs 44:13

You wen let da peopo Dat live close by us guys Talk stink bout us An make any kine An laugh at us guys.

Job 16:4

I can talk jalike you guys too, you know. If you guys wen suffa jalike me, I can put togedda words agains you guys too, An shake my head jalike someting wrong wit you guys.

Songs 64:8

Da tings dey tell, All goin come back to dem An make um wipe out. All da peopo dat see dem Goin run away sked.

Sad Song 1:7

Wen da Jerusalem peopo get hard time an donno wea dey going, Dey no foget all da rich kine stuffs dey get befo time. Wen da guys dat wen fight da Jerusalem peopo catch um, No mo nobody help dem. Wen da guys dat wen fight dem look da town, Dey laugh cuz da Jerusalem peopo come wipe out.

Sad Song 1:12

“Eh! All you guys dat stay go by hea, You guys no kea, o wat?! Look aroun an see. No mo nobody stay suffa jalike I stay suffa. Da One In Charge bring dis hard time on top me, Wen he come real huhu.