Jeremiah 48:13 - Hawaii Pidgin Bible

¹³ Den da Moab peopo goin come shame Cuz dea idol god Kemosh no help dem, Jalike da Israel ohana wen come shame Da time dea gold calf statue get smash Bethel side.

Jeremiah 48:13 Referans Kwoze

Jeremiah 48:39

“Da Moab peopo stay all bum out! Erybody stay cry an yell. Da Moab peopo no like show dea face Cuz dey come shame. Erybody make fun a da Moab peopo! An same time, dey stay sked Cuz a wat happen wit da Moab peopo!”

Isaiah 45:16

All da guys dat make idol kine gods, Dey goin get plenny shame. Dey goin all go way togedda, An nobody goin get respeck fo dem.

Local Leadas 11:24

Keep da property yoa god Kemosh wen give you. Same ting, us guys goin keep da property dat oua God, Da One In Charge, wen give us.

Jeremiah 48:46

Bummahs, fo you Moab peopo! You peopo dat pray to da god Kemosh, you come wipe out awready! Dey catch yoa boys an make dem prisonas. Dey catch yoa girls an let da army guys take um.

Jeremiah 48:7

You guys make jalike all da stuff you do An all da rich kine stuff you get Goin get you outa trouble. But da Babylon army guys still yet goin catch you guys An make you prisonas. Dey goin make yoa idol kine god Kemosh dea prisona, Same ting fo all yoa pries guys an leada guys.

Isaiah 45:20

“Go come togedda, an come nea me, All you prisona guys From all da diffren countries. Da peopo dat carry dea idol kine gods hea an dea wit dem, Dat somebody wen make from wood, Dey donno notting! Dey pray to da kine gods Dat no can get dem outa trouble.

Isaiah 16:12

Bumbye, no matta da Moab peopo go up Da sacrifice places fo dea gods on top da hills, An no matta dey work real hard an stay tired Fo go pray inside da temple dat stay spesho fo dea gods, All dat, no goin do notting fo dem!

Isaiah 2:20

Dat time, da idol kine gods Dat da peopo wen make from silva an gold Fo go down an show um respeck, Dey goin throw um all away To da bats an da rats.

1 Kings 18:40

Den Elijah tell da peopo, “Grab da guys dat talk fo Baal! No let even one a dem run away!” Da peopo grab dem. Elijah tell da peopo go take um down by da Kishon Stream, an he kill um all dea.

1 Kings 11:7

He wen build one place on top da Olive Ridge across Jerusalem fo pray to Kemosh da pilau idol kine god dat da Moab peopo stay pray to, an anodda place fo Molek da pilau kine idol god dat da Ammon peopo stay pray to.

1 Kings 11:33

Az cuz da Israel peopo wen leave me. Solomon go pray to Ashtoret da wahine god fo da Sidon peopo, an Kemosh da god fo da Moab peopo, an Molek da god fo da Ammon peopo. He no live da way I tell um fo live. He no do da tings dat I tell stay right. He no do wat I tell um he gotta do. He no lissen me, da real Judge. Solomon no make jalike David, his faddah, cuz David do all dat da right way.

Jeremiah 48:12

But Da One In Charge tell dis too: “Da time goin come Wen I goin sen guys ova dea Fo take da Moab peopo outa dea country, Jalike wen peopo pour da wine From one jar to anodda jar, Az why bumbye goin taste real good! Da guys dat come Goin make da Moab peopo go way from dea land, Jalike wen you pour out da wine, An smash all da ol jars so no can use um no moa.

2 Records 25:15

Az why Da One In Charge come huhu wit Amaziah. He sen one guy dat talk fo him by Amaziah. Da guy tell, “How come you aks dose peopo gods fo tell you wat fo do, aah?! Dose gods no can even get dea peopo outa da trouble you wen make fo dem, you know!”