Jeremiah 46:8 - Hawaii Pidgin Bible

⁸ Az da Egypt army, dat come real big Jalike da Nile Riva. Jalike how da rivas come Wen get flash flood. Da Egypt guys stay tell, “Us guys goin come mo big, an cova up da earth. Us guys goin wipe out da big towns An da peopo dat live inside um.

Jeremiah 46:8 Referans Kwoze

Ezekiel 32:2

“Eh! Fo Real Kine Guy! Sing one funeral kine song bout Pharaoh, da Egypt king. Tell him: “Mo den all da diffren peopos, You was jalike one lion! But now, you all bus up! You mo jalike one sea monsta from da ocean! You splash plenny watta in yoa Nile Riva channels. You step all aroun da riva an make um dirty. Az why da watta come muddy inside all da streams.

Ezekiel 29:3

Give dem dis message: Dis wat Da One In Charge, da Boss, tell: Eh Pharaoh! King a Egypt! Me, I stay agains you! You jalike one riva monsta dat live inside yoa Nile Riva channels. Cuz you tell, ‘Da Nile Riva mines! I wen make um fo me!’

Daniel 11:10

Da Syria king boys goin make ready fo make war, an put togedda one big army dat know how fo fight good. Dey goin attack da king fo da south, jalike one big flood dat nobody can stop. Dey goin fight all da way to da main place dat get strong wall wea da Egypt king stay.

Amos 8:8

So, wat? You tink da groun goin shake Cuz a all dat bad kine stuff? Fo shua, goin shake! You tink erybody dat live inside dat land Goin cry plenny? Fo shua, dey goin cry plenny. Da whole land goin move up an shake An den move back down Jalike da Nile Riva, Egypt side.”