Jeremiah 44:17 - Hawaii Pidgin Bible

¹⁷ Fo shua we goin do eryting we tell we goin do. We goin burn incense fo oua wahine god da Queen Inside Da Sky. We goin pour out drink sacrifices fo her, jalike us guys, oua ancesta guys, da king guys, an oua leada guys wen do inside da Judah towns an on top da Jerusalem streets. Befo time, wen we make lidat, we get plenny food, an we stay rich, an we no suffa notting bad.

Jeremiah 44:17 Referans Kwoze

Jeremiah 7:18

Da kids get firewood, an dea faddahs make fire, an da wahines lomi da bread dough fo make spesho kine roun breads fo make one sacrifice fo da wahine god dey call da Queen A Da Sky. Dey pour wine on top da altars fo make sacrifice fo da odda gods too, jus fo piss me off.

Nehemiah 9:34

But oua king guys, da odda alii guys, Da pries guys, an all oua ancesta guys, Dey neva do wat yoa Rules tell um fo do. Dey no lissen da tings you tell um fo do. An dey no lissen wen you wen tell um Fo watch out, no do um.

Ezekiel 20:8

But dey wen go agains me an no like lissen me. Dey no throw out all dea horraz kine idol gods dat dey like look at. An dey no bag from da idol kine gods from Egypt. So I tell dat I goin show how mad I stay agains dem, an pay dem back befo dey leave da Egypt land.

Rules Secon Time 23:23

Wateva you tell, you gotta make shua fo do um, cuz you da one wen make one strong promise to yoa God, Da One In Charge, an nobody wen put presha fo you do dat.

Outa Egypt 16:3

Dey tell Moses an Aaron, “Mo betta Da One In Charge wen kill us guys inside da Egypt land! Cuz ova dea, had meat fo us eat, an plenny bread! But you guys, you make us guys come ova hea inside da boonies! An now, us so hungry, we goin mahke cuz a dat!”

Philippi 3:19

Dem guys, bumbye dey goin come wipe out. Dey ony live fo eat. Dey do shame kine stuff all da time, an dey talk real big wen dey make lidat. Dey da guys dat ony like tink bout da kine stuff from dis world.

Jeremiah 44:25

Dis wat Da One In Charge, da God Ova All Da Armies, da God fo da Israel peopo, tell: ‘You guys an yoa wifes wen make one spesho promise. You tell dat fo shua you goin do eryting you wen make spesho promise fo do, fo burn incense fo da Queen Inside Da Sky, an pour out drink offering fo her. An now you guys stay do jalike you wen promise fo do.’ “Kay den, go ahead! Do wat you wen promise fo do! Make shua you do eryting you wen make one spesho kine promise fo do!

Jeremiah 44:21

“You guys tink Da One In Charge foget da incense you wen burn, o wat?! You guys, an yoa ancesta guys, an yoa king guys, an yoa leada guys, an da peopo inside da land wen burn um inside da Judah towns an on top da Jerusalem streets?! Fo shua, Da One In Charge neva foget bout all dat kine stuff!

Jeremiah 19:13

Da houses inside Jerusalem an da houses fo da Judah kings goin come pilau cuz a all da mahke bodies, jalike dis Tofet place. Dis cuz dey burn incense on top dea flat roofs fo all da gods in da sky, an pour out drink sacrifice fo da odda kine gods.’ ”

2 Kings 17:16

Da peopo no lissen all da tings dea God, Da One In Charge, wen tell um fo do. Dey even make two idol kine gods from metal fo dem pray to, dat look jalike bebe cows. Dey set up poses fo da wahine god Asherah. Dey go down in front da sun an moon an all da stars inside da sky jalike dey gods, an dey let da Baal god be dea boss.

Local Leadas 11:36

She tell, “My faddah, you wen make one promise to Da One In Charge. So den, make to me jalike you wen tell. Cuz Da One In Charge let you pay back da Ammon peopo dat stay agains you.

Census 30:12

But if her husban hear bout um, an dat same day he tell her she no can do um, den eryting dat she wen promise fo do, she no can do um. Her husban make um so she no can keep her promise, an if goin be lidat, Da One In Charge goin let her go.

1 Peter 1:18

You guys know dat Christ wen pay da price fo cut you guys loose from da wase time kine life dat yoa ancesta guys wen pass on to you. But Christ neva pay da price fo you guys wit da kine silva o gold money dat no las foeva, you know.

Jeremiah 44:9

How come you guys foget awready, all da real bad kine stuff dat yoa ancesta guys an da Judah kings an queens wen do, aah?! An all da real bad kine stuff you guys an yoa wifes wen do inside da Judah land an on top da Jerusalem streets!

Isaiah 48:5

Az why I wen tell you guys all dis stuff Long time befo time, befo wen happen. I wen make shua you guys hear um, So den you guys no can tell, ‘Az was my idol kine god dat do um, My wood kine god an my metal kine god, Dey da one tell fo make um happen!’

Songs 106:6

Us guys, we do bad kine stuff, Jalike oua ancesta guys wen do. Us make crooked kine, An do wass wrong.

Songs 12:4

Dey tell, “Cuz us guys talk wit plenny powa, Dass how we goin win! Cuz we talk nice kine, No mo nobody can tell us guys wat fo do!”

2 Kings 22:17

Dis peopo wen go way from me, Da One In Charge. Dey burn incense fo odda gods. Dey make me come real sore inside, cuz a all da idol kine gods dey wen make. Az how come I goin come huhu wit dis place, jalike I goin start one fire an nobody can pio um!’

Census 30:2

Wen one guy make one strong promise to Da One In Charge, o make one strong promise fo no do someting, fo erybody know dat he goin do um o no goin do um, he betta not broke wat he wen promise! He gotta do eryting he tell he goin do.

2 Records 28:23

He make sacrifice to da Damascus gods, no matta da Damascus guys wen win ova him. He figga, “Cuz da gods fo da Aram kings wen help dem, I goin make sacrifice fo dose gods, fo dem help me too!” But az was da ting dat make Ahaz an his Judah peopo come weak.

Jeremiah 1:16

I goin tell wat I figga bout my peopo, cuz I da Judge. Cuz a all da bad tings dey stay do— Dey tell ‘Laytas!’ to me An burn sacrifice fo odda gods An go down in front da gods dey wen make wit dea hands.

Jeremiah 11:12

Da peopo inside da Judah towns an da Jerusalem peopo goin yell to dea idol kine gods dey burn incense fo, fo dem help. But dose gods no goin help dem notting, wen da bad time come to dem.

Jeremiah 18:15

But my peopo, dey not like da watta from da mountains! Dey no give a rip bout me. Dey burn incense fo da idol kine gods dat no can do notting. No matta da idol kine gods make my peopo Fall down from da good roads dat stay from long time. Da idol kine gods make dem go walk on top Da small kine trails dat nobody build um good.

Ezekiel 8:16

Den he take me to da inside open lanai aroun Da One In Charge temple. Ova dea, nea da Temple door, in da middo wit da Temple lanai on one side an da altar on da odda side, get bout twenny-five guys. Da Temple Fo Da One In Charge stay in back a dem, an dey stay look to da east side. Dey stay go down on top da groun in front da sun god on da east side fo show respeck.

Ezekiel 20:32

“ ‘You guys tell, “We like come jalike da odda peopos from all da diffren lands. Us guys like work fo da idol kine gods dat dose peopo make from wood an stone.” But wat you tink goin happen, no ways goin happen!

Ezekiel 23:41

You sit on top one fancy kine bed. Get one table in front da bed wea you put da incense an da olive oil dat stay spesho fo me Da One In Charge.

Habakkuk 1:16

Az why dey make sacrifice fo dea nets, Jalike da nets was gods. Dey burn incense fo dea nets. Cuz dea nets help dem stay rich An eat da bestes kine food.

Jeremiah 7:17

You no see wat da peopo do inside da Judah towns an on top da Jerusalem streets, o wat?!