Jeremiah 43:11 - Hawaii Pidgin Bible

¹¹ Wen Nebukadnezzar come, he goin attack da Egypt land. Whoeva goin mahke cuz dey sick, goin mahke cuz dey sick. Whoeva goin come prisona, he goin make um prisona. Whoeva goin mahke in da war, goin mahke in da war.

Jeremiah 43:11 Referans Kwoze

Jeremiah 44:13

I goin punish dose Judah peopo dat live inside Egypt, jalike I wen punish da Jerusalem peopo—wit war, no mo food, an da real bad kine sick.

Jeremiah 15:2

If dey tell you, ‘Wea we goin go?’ tell um, ‘Dis da message from me, Da One In Charge: “ ‘Da ones dat suppose to mahke cuz dey sick goin mahke from dea sick. Da ones dat suppose to mahke cuz a war goin mahke cuz a war. Da ones dat suppose to mahke cuz no mo food goin mahke cuz no mo food. Da ones dat suppose to come prisonas goin come prisonas.’ ”

Zekariah 11:9

I tell um, “I no goin take kea you guys sheeps no moa. Da sheeps dat stay die, let um mahke. Da sheeps dat stay come wipe out, let um come wipe out. Da sheeps dat still yet stay alive, dey can eat each odda.”

Jeremiah 25:19

I give da cup to da Pharaoh guy, da king fo Egypt, his palace guys, his leada guys, an all his peopo, an

Ezekiel 5:12

One third you guys goin mahke inside da town cuz dey goin come sick real bad kine, o dey no mo notting fo eat. One third you guys goin mahke from da sword fight outside da town. An one third you guys I goin scatta all ova da place. Den I goin pull out my sword an go afta dem.

Job 20:29

Dass wat God goin give to da bad guys, Dass wat dey goin get from God!”

Jesus Show 13:10

Whoeva suppose to go prison, Dey goin go prison! Whoeva suppose to get kill wit sword, Dey goin get kill wit sword!” So dass why, God spesho peopo, dey gotta hang in dea an lissen God an trus him!

Jeremiah 25:15

Dis wat Da One In Charge, da God fo da Israel peopo, tell me: “Take dis cup from my hand. Da wine inside da cup, jalike stay dea fo show dat I no like wat da diffren peopos do. Wea eva I sen you, make dem drink dis wine.

Jeremiah 42:22

So now, dis fo shua: You guys goin mahke from da war, from no mo food, an from da real bad kine sick inside Egypt, da place wea you guys figga az one nice place fo go stay!”

Ezekiel 29:11

No mo nobody o animals goin go thru dea. No mo nobody goin live dea fo forty year.

Jeremiah 44:12

I goin take away all da Judah peopo dat stay alive still yet, dat get hard head an go Egypt side fo live ova dea. Dey all goin come wipe out Egypt side cuz a da war, o dey goin come wipe out cuz no mo food. No matta dey importan o not importan, dey goin mahke cuz a da war o cuz no mo food. Dey all goin come wipe out. Odda peopo goin come sked cuz a wat happen to dem, an goin like put kahuna on top dem, an da odda peopo goin poin finga dem fo all da bad stuff dey wen do.