Jeremiah 4:27 - Hawaii Pidgin Bible

²⁷ Dis wat Da One In Charge tell: “All da land goin come bus up fo nobody live dea. But I no goin wipe all dem out.

Jeremiah 4:27 Referans Kwoze

Jeremiah 46:28

“No sked, you Jacob peopo, my worka guys, Cuz I stay wit you guys. No matta I stay wipe out all da peopos Wea I wen make you come dea prisonas, I no goin wipe out all you guys. I goin judge you guys da right way, An den I goin punish you guys, ony fo teach you. I no goin jus let you guys go, But I goin punish you guys.” Az wat Da One In Charge tell.

Jeremiah 5:18

Da One In Charge tell dis too: “But wen dat happen, I still yet no goin wipe out all you guys.

Jeremiah 5:10

“Attack da grape farms an bus up ery row. But no wipe all a dem out. Broke off all da young branches, Cuz dese peopo not da peopo a Da One In Charge.

Jeremiah 30:11

I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Ezekiel 11:13

Right den an dea, da same time I stay talk fo God, Benaiah boy Pelatiah mahke. Den I go down an put my face on top da groun, an yell wit one loud voice, “Bummahs! You Da One In Charge, you da King! You goin wipe out all da Israel peopo dat still stay alive, o wat?”

Prieses 26:44

But no matta all dat. Wen dey stay inside da land a da peopo dat stay agains dem, I no goin make jalike dey no good, fo wipe um out to da max. I no goin broke da deal I wen make wit dem. Cuz me Da One In Charge, dea God.

Ezekiel 33:28

I goin make da land come wasted fo erybody come sked go dea. Da peopo ova dea get big head cuz dey strong, but not goin stay lidat. Even da Israel mountains goin come wasted too, an nobody goin pass thru dea no moa.

Ezekiel 6:14

An I goin get ready fo wack dem, an bus up dea land fo nobody live dea, from da boonies south side to Riblah north side, wea eva dey stay. Den dey goin know az me, Da One In Charge, dat stay do all dis!’ ”

Jeremiah 18:16

Odda peopo goin bus up dea land. Odda peopo goin come shock erytime dey see um. Erybody dat go by dea goin come bum out. Dey goin shake dea heads cuz all bus up da land.

Jeremiah 7:34

Inside da Judah towns an da Jerusalem streets, no mo noise goin come from dea, from peopo dat stay good inside, da ones dat get good fun. No goin get wedding party kine noise cuz da whole land goin come all wipe out.”

Jeremiah 4:7

“Get one guy, Jalike he one lion dat come outa da place he hide. His army guys goin wipe out plenny peopos. Dey wen go way from dea place Fo come wase yoa land An make erybody come bum out. Yoa towns goin come all bus up Cuz no mo nobody goin stay ova dea.

Isaiah 24:1

Da One In Charge, he stay ready fo wipe out da whole world An make um come empty! He goin change da mountains an valleys An all da peopo goin go all ova da place.

2 Records 36:21

All dat time, da ting happen dat Da One In Charge wen tell goin happen. Az jalike wat Jeremiah tell da peopo wen he wen talk fo God. He tell dat da Judah land gotta pay off Da One In Charge, fo all da times dat da peopo suppose to let da land res ery seven year an no plant notting. Az why fo seventy year, nobody can plant stuff dea, cuz eryting stay all bus up. Az jalike da Judah land get one big Res Day!

Nehemiah 9:31

But cuz you get plenny pity fo yoa peopo, You neva wipe um out, An you neva leave dem an go way from dem. Cuz you da God dat like do good tings fo yoa peopo, An give peopo one mo chance.

Jeremiah 4:20

Get one big boom, den anodda! All da land come bus up. Fas dey wipe out my tents, Mo fas den I can handle!

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Jeremiah 25:11

Dis whole land goin come dry an no goin get nobody live ova dea. Anybody go by dea goin come shock. All dese peopos goin work hard fo da Babylon king fo seventy year.” Az wat Da One In Charge tell.

Jeremiah 44:6

Az why I come real huhu agains da peopo inside da Judah towns an on top da Jerusalem streets. Cuz I wen get mad, da towns stay all bus up an no mo peopo dea now.’

Ezekiel 20:17

But wen I see how dey stay, I tell, “Pooa ting!” Az why I no wipe dem out inside da boonies.

Prieses 26:31

I goin make yoa towns come all bus up, an wipe out da places you make spesho fo yoa gods. I no goin feel good inside notting from da nice smell you guys make wit yoa sacrifices.

Isaiah 17:6

Goin be hard fo da Israel ohana peopo, Jalike afta you wack one olive tree wit one stick Fo bring down da ripe olives, an ony litto bit stay on top, Two-three olive on da high branch, Four o five on top da branches wea da fruit come out. Az how goin be, Da One In Charge, Da God Ova All Da Armies tell.

Sad Song 2:7

Da Boss tell “Laytas” to his altar. He bag from da Place Dat Stay Spesho Fo Him. He let da peopo dat stay agains us guys Take ova da palace walls. Dey make noise inside da Temple Fo Da One In Charge Jalike wen get da spesho religious ceremonies.

Zefaniah 1:18

Dea silva an gold no can get dem outa trouble dat day Wen Da One In Charge go wild wit dem. He goin be jealous, jalike one fire Dat goin burn up all da peopo inside da world. Cuz az fo real, dat he goin bring one skery end Fo all da peopo dat live on top da earth!”