Jeremiah 38:19 - Hawaii Pidgin Bible

¹⁹ King Zedekiah tell Jeremiah, “I sked a da Judah guys dat wen go ova da Babylon guys side. Cuz maybe da Babylon guys goin turn me ova to dose Judah guys, an dey goin make any kine to me.”

Jeremiah 38:19 Referans Kwoze

John 12:42

Plenny Jew main leada guys trus Jesus, but dey no like tell erybody, cuz dey sked da Pharisee guys goin throw um outa da Jew church.

Jeremiah 38:22

Da Babylon army guys goin bring outside all da wahines dat still stay alive inside da Judah king palace. Dey goin give um to da leada guys fo da Babylon king. Dose same wahines goin tell you: “ ‘Ahana kokolele! Yoa frenz dat you tink was tight wit you, Dey wen bulai you an make you follow dem! But den, yoa frenz wen bag from you, Jalike yoa feets stay stuck inside da mud awready!’

Isaiah 57:11

Da One In Charge tell, “Who bodda you guys An make you come sked?! Cuz you guys stay bulai me, An foget me, An no even bodda fo tink bout me. Long time I neva tell notting. Dass why you guys stay sked a da odda peopo. But you no sked a me, o wat?!

Jeremiah 39:9

Da main officer dea stay in charge a da Babylon army guys dat kill da prisonas dat gotta mahke. His name Nebuzaradan. He take da odda peopo dat stay still inside Jerusalem, an make dem prisonas. He bring dem, an all da res a da peopo, Babylon side—dass da peopo dat wen go ova by da Babylon guys side too.

1 Samuel 31:4

Saul tell da guy dat carry da tings he use fo fight, “Grab yoa sword an stab me! If dese buggahs dat donno God come hea, dey goin make any kine to me wen dey stab me!” But da guy dat carry his stuff fo fight no like kill him. Da guy real sked, az why. So Saul take his sword, an throw his body down on top um so da sword go thru his body.

Smart Guys 29:25

Anybody stay sked an shaking Cuz a how dey tink odda peopo tink bout dem, Az jalike one trap dat catch da guy dat stay sked. But anybody stay trus Da One In Charge, Da One In Charge goin make shua notting hurt dem.

1 Samuel 15:24

Den Saul tell Samuel, “I wen do one bad ting, aah?! I go agains wat Da One In Charge tell me, an wat you tell me. Cuz I sked da army guys, so I do wat dey tell me fo do.

Local Leadas 16:25

Wen dey stay high, dey yell, “Bring out Samson fo make us laugh!” So dey call Samson fo come outa da prison, an he do stuff fo make dem laugh. Den dey make him stan nea da big poses inside da temple.

Local Leadas 9:54

Real fas he call da guy dat carry his stuff fo fight, an tell um, “Take yoa sword an kill me, fo dem no tell, ‘One wahine wen kill Abimelek!’ ” Az why his helpa guy stab um, an he mahke.

Jeremiah 38:5

King Zedekiah tell dem, “Do wateva you like to him. I da king, but I no can do notting fo stop you guys fo wateva you like do.”

Job 31:34

You tink I hide wat I do, an stay sked an shaking Wen erybody make big noise bout me?! No ways! You tink I stay sked, cuz my ohana guys tink I no good, So den I no tell notting, an no go outside my house?! Not even! I no make lidat, eva!

2 Records 30:10

Da messenja guys go from one town to anodda town inside da Efraim an Manasseh lands. Dey go all da way to da Zebulun borda. But da peopo ova dea ony laugh an make fun a dem.

Nehemiah 4:1

Wen Sanballat find out dat us guys stay build da wall one mo time, he get real mad, an he make fun a us Jews.

Jeremiah 20:7

Da One In Charge, you wen make me tink az good I talk fo you, An I wen lissen you. You mo strong den me, az why you win. Peopo make fun a me all day. Dey all stay laugh at me.