Biblia Todo Logo
Bib sou entènèt

- Piblisite -




Jeremiah 31:8 - Hawaii Pidgin Bible

8 Da One In Charge tell dis too: “Look! I goin bring my peopo thru da north land. I goin bring um togedda from da mos far places on top da earth. Some a dem goin be peopo dat no can see, an peopo dat no can walk good, Da hapai wahines, an da wahines dat start fo born dea kid awready, all togedda. Plenny peopo goin come back.

Gade chapit la Kopi




Jeremiah 31:8
29 Referans Kwoze  

I goin look fo da lost sheeps, an bring back da sheeps dat get push off da trail. I goin bandage da sheeps dat get hurt, an make da weak ones come strong. But da real momona sheeps an da supa strong ones, I goin wipe dem out. I goin be one pono kine sheep guy an take kea my sheeps da right way.


but dey goin tell, ‘Fo shua, Da One In Charge wen bring da Israel peopo outa da north land an all da lands wea he wen sen dem, an he stay alive!’ An dey goin live inside dea land.”


I goin take da guys dat no can see On top one road dey neva know befoa. I goin show um wea fo go No matta dey donno da way. No matta stay dark all aroun dem, I goin shine light come in front dem. I goin make da rough kine place come smooth. All dese tings, I goin do um. I no goin leave dem.


Dis da message from Da One In Charge: “Bumbye, I goin bring back togedda All da peopo dat no can walk good, An da peopo dat wen come prisonas far away, Da ones I wen make suffa.


Eh you guys! Jalike da Bible tell, “Wen yoa hands stay drop stuff an yoa knees come weak, make um come strong!”


I goin bring dem out from da diffren peopos an bring um togedda from da diffren lands. Den I goin bring um back inside dea land. I goin take kea dem on top da Israel mountains, nea da rivas, an all da place inside da land wea peopo live.


He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.


My braddahs an sistahs, we beg you guys fo do dis: Da guys dat no like work, tell um dey betta work. Da guys dat tink dey nobody, give um good kine words. Kokua da guys dat not strong inside. Hang in dea wit erybody, an no get huhu.


Da stick dat ready fo broke, he no goin broke um, Da small fire dat ready fo pio, he no goin put um out, Till bumbye he make erybody do how dey suppose to do.


Dat time, you Judah peopo goin come togedda wit da Israel peopo, fo come back from da land on da north side. You an dem goin come back togedda to da land I wen give yoa ancesta guys fo pass um on to dea kids foeva.


Da One In Charge goin show how strong him Cuz he good an spesho! An all da peopo inside all da countries, Even da ones inside da mos far places on top da earth, Dey goin see How oua God get his peopo outa trouble!


I goin tell da peopo from da north side, ‘Let my peopo come!’ An I goin tell da peopo from da south side, ‘No hold dem back!’ Bring all my boys from far places, An my girls from da mos far place inside da world.


Even if God make you guys go one mo far place unda da sky, from dea yoa God, Da One In Charge, goin bring you guys back togedda from ova dea.


Dass oua Main Pries Guy, Jesus, God Boy. He undastan how us guys not strong an no can handle da bad kine stuff. Cuz he wen get presha fo do all kine bad stuffs jalike us guys. But he neva do notting bad!


You, you know dat all dis stuff okay. But if one braddah dat no stay strong inside see you stay sitting an eating ova dea inside one temple fo one idol kine god, wat you tink he goin tink? Fo shua, da guy goin tink dass okay fo him fo eat da food too, from da sacrifice dey wen kill fo da idol kine god.


Afta dey pau eat, Jesus go aks Simon Peter, “Eh Simon, John boy. Tell me dis: You get mo plenny love an aloha fo me den dese guys get, o wat?” Peter tell um, “Eh, fo shua, Boss. You know I yoa fren.” Jesus tell um, “Kay den. Feed my bebe sheeps.”


Da One In Charge tell, “Bummahs! Run! Run away from da Babylon land, dat stay come from da north road! Cuz I wen make you guys scatta all ova da place, jalike da four winds!


Wat I goin do dat time, I goin do wat I gotta do To all da peopo dat put presha on top you guys. I goin help da ones dat no can walk good, An bring togedda da ones dat stay scatta. Right now, dose peopo get shame. But I goin make peopo all ova da world Talk good bout dem, an show respeck fo dem!


I goin see you guys az my guys, jalike I see da good smell incense dass fo me. I goin do dat wen I bring you guys togedda wen you bag from da odda peopos an come outa dea lands wea you guys stay scatta. An I goin show dat I stay good an spesho fo you guys, fo all da odda peopos see wat kine god me.


Cuz I show how made I stay agains da odda peopos, I goin use my powa fo hemo you guys from wea you stay. I goin bring you guys togedda from all da lands wea you guys stay scatta.


I goin let you guys find me!” Az wat Da One In Charge tell. “I goin make eryting come good fo you guys one mo time. I goin give you guys back yoa property. I goin bring you guys togedda from all da nations an da places wea I wen make you guys go wen I kick you outa hea. I goin bring you guys back dis place wea you guys wen stay, befo I make you guys come prisonas an go way.”


Go, tell dis fo da Israel peopo hear um: “Da One In Charge tell, ‘Go come back by me, you Israel peopo Dat wen tell “Laytas” to me. I no goin give you guys stink eye no moa. Cuz I like give you guys chance, I no goin stay huhu all da time.


“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.


God wen bring his peopo back togedda From all da diffren countries Wea dey stay, From wea da sun come up To wea da sun go down, From da north side An from da south side.


Da One In Charge, he no foget Fo stay tight wit da Israel ohana, An dey can trus him fo do Wat he tell he goin do. Dass why da peopos From da mos far parts a da world Know dat oua God Get his Israel peopo outa trouble!


Wen we yell to you fo help us guys, You stay do real awesome an unreal tings Cuz you da God Dat stay get us outa trouble. Even da peopo dat live Da odda side a da world An inside da far oceans, Dey stay trus you.


“Me, I goin bring togedda da ones from my peopo dat still stay alive. I goin bring um all back dea place, from all da lands wea I wen make dem go. Dey jalike my sheeps, an dey goin get plenny bebes.


Jalike one sheep guy figga how fo take kea his sheeps dat wen scatta, an now he stay wit um, az how I goin take kea my sheeps. I goin get um outa all da place wea dey wen scatta on one day wen get plenny clouds an stay dark.


But bumbye, dis how dey goin tell um: ‘Jalike fo shua Da One In Charge stay alive, da One dat wen bring us Israel peopo outa da north land, an outa all da countries wea he wen make dem go.’ Den I goin bring dem back to da land I wen give dea ancesta guys befo time.”


Swiv nou:

Piblisite


Piblisite