Jeremiah 31:2 - Hawaii Pidgin Bible

² Den Da One In Charge tell dis: “Da peopo dat still stay alive Moses time Afta da Egypt guys try fo kill dem, I wen make dem spesho kine Wen dey stay inside da boonies, An wen dey go from dea fo res inside dea land.”

Jeremiah 31:2 Referans Kwoze

Songs 95:11

Cuz a dem, I wen come huhu An make one strong promise— I wen tell, ‘No way dese peopo goin go Da place wea I goin make dem come So notting bodda dem!’ ” An dass wat God tell you guys today.

Census 10:33

So dey all leave da mountain wea Da One In Charge stay, an go fo three day. Fo dose three days, da Box Fo No Foget Da Deal Wit Da One In Charge, dat da pries guys stay carry, go in front dem fo show dem wea fo res.

Matthew 11:28

“All you guys dat stay work hard an carry heavy kine stuff dat make you come wore out, come! Go come ova hea by me. I goin give you guys res.

Rules Secon Time 1:33

Da One In Charge wen go in front you guys inside one fire nite time, an inside one cloud day time. He even look fo you one place wea you guys can make camp nite time! Az how he show you guys wea fo go.

Jeremiah 2:2

“Go tell dis Fo all da peopo inside Jerusalem hear you. Da One In Charge tell, ‘I no foget how you guys was, young time. You guys was real tight wit me, Jalike one bride dat get plenny love an aloha fo da guy she marry. You guys wen stay tight wit me all da way thru da boonies, Even da places wea no can plant seeds notting.

Songs 78:52

Fo God peopo, he wen tell dem Fo start fo move jalike sheeps, He wen bring um thru da boonies Jalike he one sheep guy.

Rules Secon Time 12:9

You make lidat, cuz you guys still yet no stay inside yoa place fo res an da property dat God, Da One In Charge, goin give you guys cuz you his kids.

Rules Secon Time 8:16

He da One give you guys manna fo eat inside da boonies. Yoa ancesta guys neva see o know wat was manna befo time. He give um to you guys fo make you guys no come big head, an tes you guys fo find out how you guys goin ack. Az how bumbye he goin make eryting come good fo you guys.

Rules Secon Time 2:7

An Moses tell, “Cuz oua God, Da One In Charge, do plenny good stuff fo us guys, an make eryting us guys make come out good. He take kea us guys inside da big boonies. He stay wit us guys fo all dis forty year, an us neva need notting eva.

Rules Secon Time 1:30

Oua God Da One In Charge, he da One goin go in front you guys. He da One goin fight fo you guys, jalike he wen fight fo you guys inside Egypt. You guys wen see dat awready.

Census 14:20

Da One In Charge tell him, “Kay den. I let dem go, jalike you aks me fo do.

Outa Egypt 33:14

God tell Moses, “Goin be me dat go wit you an make you res inside.”

Outa Egypt 1:22

Den, da Pharaoh guy tell all his peopo, “All da small boy kine bebes from da Israel peopo, throw um inside da Nile Riva! But da girl kine, let um live.”

Outa Egypt 1:16

“Erytime wen you stay help da Israel wahines born one bebe, an you see um ova dea on top da spesho stone fo born one bebe, if get boy kine, kill um! If get girl kine, let um live.”

Outa Egypt 12:37

Da Israel peopo, dey go outa Ramses town an dey go Sukkot town. Had bout 600,000 men guys dat stay walking, plus wahines an kids an ol peopo.

Outa Egypt 5:21

Da luna guys tell Moses an Aaron, “Eh! Mo betta Da One In Charge check out you guys an punish you guys! You da one stay make us guys jalike us pilau, in front da Pharaoh guy an all da palace guys dat work fo him! Jalike you give dem one sword an tell um az okay fo go kill us guys!”

Outa Egypt 2:23

Afta long time, da king guy fo Egypt mahke. But da Israel peopo, dey stay moan still yet cuz dey slaves. Dey yell to God, “Help!” An God, he hear wat dey tell.

Joshua 1:13

“No foget wat Moses, da guy dat work fo Da One In Charge, wen tell you guys. He tell, ‘Yoa God Da One In Charge goin let you guys res afta you come back. He give you guys da land dis side.’

Hosea 11:4

I wen lead dem wit my yoke straps, An make nice to dem. I wen show love fo dem. Az jalike I wen take da yoke off dea neck, An bend down fo feed dem.

Ezekiel 20:35

I goin bring you guys one far place inside da boonies wea da odda nations no can do notting fo make you guys come back by dem. An ova dea, I goin face you guys an show dat you do wass wrong an punish you.