Jeremiah 30:5 - Hawaii Pidgin Bible

⁵ He tell: “Get guys yelling an screaming Cuz dey real sked an shaking, An dey no mo cool head!

Jeremiah 30:5 Referans Kwoze

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Isaiah 5:30

“Dat time, wen da army guys come dis land, Dey goin make big noise Jalike wen da ocean stay poun. If anybody go look da land, Dey goin see dat eryting stay dark An erybody get big trouble. Even da day time goin come dark cuz a da clouds.”

Jeremiah 46:5

“But how come I see dis? Da Egypt guys stay real sked! Da Babylon guys stay push dem back! Dea bestes fighta guys, dey all bus up! Dey run away real fas, An dey no even look behind dem wen dey go. All aroun dem, erybody stay real sked!” Az wat Da One In Charge tell.

Jeremiah 25:36

Da sheep guys stay yell fo help! Da ones dat own da sheeps stay scream fo help! Cuz Da One In Charge stay wipe out dea grass fields.

Jeremiah 9:19

Can hear da crying come from inside Jerusalem, Da peopo tell, ‘Us guys all bus up! Us guys stay shame! Us gotta give up oua land, Cuz da peopo dat stay agains us Wen bus up oua houses!’ ”

Jeremiah 8:19

Lissen how da peopo dat I get love an aloha fo Cry fo me help um From da lands dat stay far away. Dey tell: ‘Da One In Charge, he no stay Mount Zion, o wat? No mo da King ova dea, o wat?’ ” Da One In Charge tell, “Dey try make me come huhu Cuz a dea idol kine gods, Dea gods from anodda place dat good fo notting?”

Isaiah 59:11

All us guys make sad kine noise jalike da bear. We soun sad jalike da dove. We stay wait fo God da Judge tell Dat us guys do da right kine ting, But he no tell notting. We stay wait fo somebody get us outa trouble, But dey too far away from wea us guys stay.

Jeremiah 8:16

From da Dan ohana land north side We hear da noise From da horses dat da army guys use dat stay agains us! Wen dea strong horses make noise, All da Judah peopo stay shake an come sked. Da army guys stay come Jalike dey goin eat up da land an eryting inside um, An Jerusalem town an all da peopo dat stay live dea.”

Jeremiah 12:12

On top all da hill tops inside da boonies wea no mo notting can grow Goin get plenny guys dat like come rip off stuff. Cuz goin get war! Jalike Da One In Charge use his sword fo kill da peopo From one side a da land to da odda side! No goin get nobody stay safe ova dea.

Jeremiah 30:4

Dis wat Da One In Charge tell bout da Israel an Judah peopo.

Jeremiah 6:22

Dis wat Da One In Charge tell: “Look! Get army guys stay come from da north side. Peopo from da mos far part a da world Stay make ready fo war.

Jeremiah 6:26

My peopo, you betta put on burmbag kine clotheses An lay down on top da ashes fo show you stay sad inside! Stay sore inside an cry plenny, Jalike yoa ony boy wen mahke! Cuz wen you tink dey no stay come, Da army guys dat goin wipe us out goin come!”

Habakkuk 1:6

“You know wat I goin do?! I goin make da Babylon peopo come strong. Dey like hurt peopo, An dey no tink befo dey do stuff. Dey go all ova da wide places on top da world. Dey take ova land dass not deas.

Habakkuk 1:10

Dey da kine guys dat make fun a da kings fo da odda peopos. Dey make jalike da importan guys Fo da odda peopos, not importan. Dey laugh at da odda peopos strong wall. Dey build dirt ramps fo run ova da wall fo odda peopos big towns An take um ova.