Jeremiah 30:22 - Hawaii Pidgin Bible

²² “Az how you guys goin come my peopo, An me, I goin come yoa God.”

Jeremiah 30:22 Referans Kwoze

Jesus Show 21:3

An I hear one loud voice coming from da throne dat tell, “Now God make house wit da peopo. He goin live wit dem. Dey goin be his peopo, An God goin stay dea wit dem fo real kine, An be dea God.

Zekariah 13:9

I goin put da one third a dem inside da fire. I goin burn all da junks outa dem Inside da real hot fire, Jalike peopo do fo silva. I goin tes um out jalike dey do fo gold. Dey goin call me by my name. An I goin talk to dem. I goin tell, ‘Dey my peopo!’ An dey goin tell, ‘Da One In Charge, he oua God!’ ”

Ezekiel 36:28

“You guys goin live inside da Israel land dat I wen give yoa ancesta guys. You guys goin come my peopo, an I goin come yoa God.

Jeremiah 31:33

Da One In Charge tell, “Dis da deal I goin make wit da Israel peopo afta dat time: I goin put my rules inside dem. Jalike I write um inside dea head. Den I goin come dea God, an dey goin come my peopo.

Jeremiah 24:7

I goin give dem da kine heart fo know fo shua who me. Dey goin know dat me, dea God, Da One In Charge! Dey goin come my peopo, an I goin come dea God. Cuz dey goin go all out fo come back by me.’

Jeremiah 31:1

Da One In Charge tell dis: “Dat time, I goin come da God fo all da peopo dat get da Israel blood line, an dey goin come my peopo.”

Hebrews 8:10

‘Dis da deal I goin make bumbye Wit da Israel ohana peopo. I goin put my Rules inside dea head. I goin write um inside dem. I goin be dea God fo real kine, An dey goin be my peopo fo real kine.

Hosea 2:23

I goin plant da Israel peopo inside da land fo be my peopo. I goin show love an pity fo da ones I wen call um Lo-Ruhamah, dat mean ‘nobody pity dem.’ An fo da ones dat I wen call um Lo-Ammi, dat mean ‘dey not my peopo,’ But I goin tell um, ‘Now you my peopo!’ An dey goin tell, ‘You oua God.’ ”

Ezekiel 37:27

I goin live wit dem. I goin come dea God an dey goin come my peopo.

Jeremiah 32:38

Dey goin come my peopo, an I goin come dea God.

Matthew 22:32

God tell, ‘I da God fo Abraham, an fo Isaac, an fo Jacob.’ So I tell you guys, he not da God fo da mahke guys dat no mo spirit inside dem. He da God fo Abraham an Isaac an Jacob, dat get one spirit inside dem dat stay alive, no matta dea body mahke.”

Ezekiel 11:20

Wen I do dat, dey goin do wat I tell um dey gotta do, an take kea fo do wat I tell um az good fo do, an do um. Dey goin come my peopo, an I goin come dea God.

Love Song 2:16

Da one dat love me, he stay mines, An I stay his. He jalike one deer dat find his food wea da lily flowas grow.

Outa Egypt 6:7

“I goin make you guys come my peopo, an I goin come da God fo you guys. Den you guys goin know dat me Da One In Charge, da God fo you guys, da One dat get you guys out from da hard work dat da Egypt peopo make you guys do.

Jeremiah 11:4

Da time I wen bring yoa ancesta guys outa Egypt, dis da rules I wen tell dem dey gotta follow. Eryting ova dea was real hard fo dem, jalike dey inside one real hot fire fo take da junk outa da iron. I tell um: ‘Lissen up, an do eryting I tell you guys fo do! Den you guys goin come my peopo, an I goin come yoa God.

Zekariah 8:8

I goin bring dem back fo live inside Jerusalem. Dey goin be my peopo, an I goin be dea God. Dey goin know dat dey can trus me, an dat I goin do da right kine tings fo dem.”