Jeremiah 30:13 - Hawaii Pidgin Bible

¹³ No mo nobody fo back you up. No mo notting goin make da bleeding stop. No mo nobody can make you come good.

Jeremiah 30:13 Referans Kwoze

Jeremiah 46:11

“You Egypt peopo, You weak, jalike one young girl, Go up Gilead side An try get medicine from dea. But wase time you try fo get all kine medicine! Cuz no way you goin come good!

Jeremiah 8:22

Fo shua, Gilead side get medicine An docta ova dea! Cuz da peopo I love stay hurt. So, how come no mo nobody fo make um feel good?!”

Jeremiah 33:6

“But den, I goin make da peopo inside dis town come good an strong one mo time. I goin make shua dey see how eryting stay good fo dem, an no mo notting bodda dem.

Jeremiah 30:17

But I goin make you guys come good. An make da places you bleed come good. Peopo call you guys, ‘Da guys dat no mo place fo go, Da ones dat go Mount Zion fo pray, But no mo nobody like take kea dem.’ ” Az wat Da One In Charge tell.

1 John 2:1

Eh, my good frenz! I stay write dis stuff to you guys, so you no do bad kine stuff. But wen get somebody dat do bad kine stuff, us get one Guy dat stay talk to da Faddah fo us guys. Dass Jesus Christ, da Spesho Guy God Wen Sen. He erytime stay do da right ting.

1 Peter 2:24

Christ, he da One dat wen carry all da bad kine stuff us guys wen do on top his body wen he mahke on top da cross. He wen do all dat so us guys no gotta mahke fo da bad kine stuff we wen do. Now, we ony stay live fo do da right kine stuff. Christ wen bleed an mahke fo us guys come good.

Nahum 3:19

No mo notting can make yoa sword cut come good. You stay hurt, an you goin mahke. Erybody stay suffa Cuz you wen ack real mean erytime! Az why erybody dat hear bout you Clap dea hands fo show dey feel good Cuz you wen come wipe out!

Hosea 14:4

Da One In Charge tell, “I goin make dem come good, No matta dey wen tell ‘Laytas’ to me. I goin show plenny love an aloha fo dem Cuz I no stay huhu wit dem no moa.

Hosea 6:1

Da Israel peopo tell, “Go come, we go back by Da One In Charge. He wen rip us up, But he goin make us come good. He wen wack us guys, But he goin put one bandage on us.

Ezekiel 22:30

“Me, Da One In Charge wen look fo one guy from da Israel land fo build up da wall one mo time, an stan up fo me, inside da place wea da wall stay broke down, so I no gotta wipe out da land. But I no find nobody.

Isaiah 59:16

Da One In Charge, he see dat no mo nobody Stay go agains da bad kine stuff. He no can believe No mo nobody even pray fo his peopo! Dass why him da one do um An use his own powa Fo get his peopo outa trouble. Cuz he do da right ting erytime, He no need nobody fo help him.

Isaiah 1:6

From on top yoa head to undaneat yoa feet You guys no even get one place dat stay good, Ony get cut, scar, black an blue, An bad open kine sore all ova. Nobody clean out da pus, Nobody put olive oil on top fo make um come sof, An nobody put bandage on top um.

Songs 142:4

Try look aroun me fo see No mo nobody kea fo help me! Da place fo go wea nobody can hurt me, Gone awready! Nobody kea if I alive o mahke!

Songs 106:23

So God tell, “I goin wipe out All da peopo!” But Moses, da guy God wen pick, He go stan in da middo Wit God on one side An da peopo on da odda side. He try fo make God no kill da peopo, No matta God wen had it Wit da kine stuff da peopo stay do.

Job 34:29

But if God stay quiet, nobody goin poin finga him. If he hide his face, nobody can find him. Still yet, he stay in charge a da peopo an da nations same same.

Job 5:18

Cuz he can hurt you, but he put bandage on you too. He can wack you, but he touch you an make you come good too.

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Outa Egypt 15:26

God tell dem, “You guys gotta lissen good to me, yoa God, Da One In Charge fo real kine. You guys gotta stay do da right ting in front me, an lissen wat I tell you guys fo do, an keep all da Rules. If you guys do all dat, den I no goin wack you guys wit all da kine sick dat I wen bring fo da Egypt peopo. Cuz me Da One In Charge, an I da one dat make you guys come good.”

Jeremiah 17:14

“Da One In Charge make me come good all ova, Fo me come good fo real kine! Get me outa trouble, Fo me stay outa trouble. Cuz you da One I talk good bout.

Jeremiah 14:19

You Da One In Charge fo real kine! So how come you make deaf ear to da Judah peopo?! You hate da Jerusalem peopo, o wat?! How come you wack us guys Fo us no come good, aah?! We wait fo eryting come okay an no mo war, But notting good stay happen. We wait fo tings come good, But we ony stay real sked.

Jeremiah 6:7

Jalike plenny watta come outa one spring, Az how plenny bad kine stuff come outa da Jerusalem peopo. I ony hear Who get hurt o who get wipe out. Dass all I hear! I see dat all da time Da peopo dea stay sick an hurt.

Ezekiel 30:21

“Eh! Fo Real Kine Guy! You know wat I wen do?! I wen make da Babylon army win ova da Egypt army! Jalike I wen broke da arm a Pharaoh, da Egypt king. Nobody wrap um up good o put splint fo make um come good. An no can tie one wood splint dat make Pharaoh fo him hold his sword fo fight.

Sad Song 2:13

No mo notting I can tell fo help you guys! You Jerusalem peopo, no mo nobody stay suffa jalike you guys suffa! I no can talk bout wat happen to odda peopo, Fo help make you guys feel mo betta! Yoa cut stay real deep, jalike da ocean. Who goin make you come good?! Nobody!