Jeremiah 23:31 - Hawaii Pidgin Bible

³¹ I stay agains da talka guys dat all mout but dey ack jalike dey talk fo me.

Jeremiah 23:31 Referans Kwoze

Jeremiah 23:17

Ova an ova, dey tell da guys dat make deaf ear to me, ‘No worries! Da One In Charge tell, dat eryting goin stay okay fo you guys!’ Dey tell da guys dat stay hard head An make up dea mind fo do any kine, ‘No mo notting bad goin happen to you!’ ”

Isaiah 30:10

Dey tell da guys dat can see Wass goin come bumbye, jalike one dream, ‘No see stuff wen you dream!’ Dey tell da guys dat talk fo God, ‘No tell us wat God tell Bout wat stay right! Tell us ony da kine stuff dat make us feel good inside. Tell us dat God tell all nice kine stuff, No matta az not true!

2 Records 18:5

So Ahab bring togedda da guys dat talk fo da gods, four hundred guys, an aks dem, “We go make war agains da Ramot-Gilead guys? O mo betta I no go?” Dey tell, “Go, cuz da gods goin give you da powa fo win!”

Micah 2:11

If one guy come bulai you guys an tell, ‘I goin tell you guys wat God tell me— You guys goin get plenny wine an beer.’ Dat bulaia kine guy goin be da kine talka guy dat you guys like!”

Jeremiah 23:30

Da One In Charge tell: “Az why I stay agains da guys dat tell dey talk fo me. Cuz dey ony tell same ting da odda guys tell, but dey tell dey get um from me.

Jeremiah 23:32

Fo shua, I stay agains da guys dat tell bulai kine dreams. Dey tell wat dey wen dream, an dey make my peopo go da wrong way wen dey go all out fo bulai um. But I neva tell dose guys fo talk fo me. I neva tell um fo do notting. Dey no do notting good fo dese peopo.” Az wat Da One In Charge tell.

Rules Secon Time 18:20

But any odda guy dat tell he stay talk fo me, but tell dem stuff dat I neva tell him fo tell, o any guy dat talk fo odda gods, you guys gotta kill dem.”

1 Kings 22:11

Had one a da guys dat talk fo dea gods name Zedekiah, Kenaanah boy, wen make tings dat look jalike bull horns outa iron. He tell, “Dis wat Da One In Charge tell. You goin push wit dese horns fo bus up da Aram army guys, till you wipe um out!”

Jeremiah 28:15

Den Jeremiah tell Hananiah, “Lissen up, Hananiah! Da One In Charge neva sen you fo talk fo him! But you da one wen tell dis Judah nation fo trus wat you tell, but wat you tell, you bulai!

Jeremiah 28:17

Dat same year, afta two month, Hananiah da guy dat tell he talk fo Da One In Charge, he mahke.