Jeremiah 23:30 - Hawaii Pidgin Bible

³⁰ Da One In Charge tell: “Az why I stay agains da guys dat tell dey talk fo me. Cuz dey ony tell same ting da odda guys tell, but dey tell dey get um from me.

Jeremiah 23:30 Referans Kwoze

Rules Secon Time 18:20

But any odda guy dat tell he stay talk fo me, but tell dem stuff dat I neva tell him fo tell, o any guy dat talk fo odda gods, you guys gotta kill dem.”

Ezekiel 13:8

“Az why dis wat me, da Boss, Da One In Charge, tell: Cuz you guys tell fake kine stuff an bulai bout da dreams, I stay agains you guys.

Ezekiel 13:20

“ ‘Az why dis wat me, Da One In Charge, da Boss, tell: I stay agains da magic kine stuff dat you guys use ova dea fo trap peopo jalike dey was birds. I goin broke um off you guys arms. I goin free up da peopo dat you guys wen trap jalike dey birds an let um fly away.

Songs 34:16

But Da One In Charge stay agains Da peopo dat stay do bad kine stuff. He goin wipe dem out from dis world, So nobody even rememba who dem.

Ezekiel 15:7

I goin go agains dem. No matta dey wen come outa da hard times, jalike dey come outa da fire. Da hard times still yet goin wipe dem out, jalike da fire goin wipe um out. An wen I go agains dem, you guys goin know dat me, Da One In Charge, wen do all dat.

1 Peter 3:12

Cuz Da One In Charge get aloha fo da peopo Dat do da right tings, An he lissen good wen dey pray to him, But Da One In Charge stay agains Da peopo dat do bad kine stuff.”

Jeremiah 44:29

Da One In Charge tell: “All dis goin be jalike one sign fo show you guys dat I goin punish you guys inside dis place. Dass how you guys goin know, all dat I tell bout da bad kine stuff, I goin make happen to you guys.”

Jeremiah 44:11

“ ‘Az why me, Da One In Charge, I go tell you dis. I da God Ova All Da Armies, da God fo da Israel peopo. Dis me, an fo shua, I goin make bad kine stuff happen to you guys, an I goin wipe out all you Judah peopo.

Rules Secon Time 29:20

Da One In Charge fo shua no goin let dat kine guy go. Da One In Charge tell ‘Laytas’ to dat kine stuff. All da bad kine stuff dis book tell goin happen to dat kine guy, an Da One In Charge goin hemo his name from unda da sky.

Prieses 26:17

I goin go agains you guys fo da guys dat stay agains you guys win ova you guys an come yoa boss. You guys goin run away, even wen no mo nobody stay chase you.

Prieses 20:3

I goin go agains dat guy, an cut him off from his peopo so he not one a my peopo no moa. Wen he give his kid fo make one sacrifice fo Molek, he make da place dat stay spesho fo me pilau, an he talk bad bout me an make pilau my good an spesho name too.

Jeremiah 21:13

Me, I stay agains you peopo Dat live Jerusalem, on top da level place up da valley, Jalike one big rock dat no can move. You guys talk big, “Eh, no mo nobody can come attack us! No mo nobody can come inside da place wea we stay hide!” Dass wat me, Da One In Charge, tell.

Jeremiah 23:31

I stay agains da talka guys dat all mout but dey ack jalike dey talk fo me.