Jeremiah 23:14 - Hawaii Pidgin Bible

¹⁴ An wit da guys dat suppose to talk fo me inside Jerusalem, I wen spock one even mo bad kine ting: Dey ack jalike one wahine dat fool aroun behind her husban back, An go fool aroun wit da odda gods, An follow da bulaia god Baal. Dey tell da peopo dat do bad kine stuff, ‘Go fo broke!’ So den no mo nobody turn aroun An no do bad kine stuff. Fo me, all dem jalike da Sodom peopo. An da Jerusalem peopo, dey jalike da Gomorrah peopo.”

Jeremiah 23:14 Referans Kwoze

Jeremiah 29:23

Az cuz dey wen ack stupid an broke da rules from God inside Israel. Dey fool aroun wit odda guys wifes. Dey use my name an tell dey talk fo me, but dey bulai—no was me tell dem fo say wateva dey tell. I know wat dey wen do an I can tell wat I wen see.” Az wat Da One In Charge tell.

Ezekiel 22:25

Da Israel princes make plan togedda agains da land. Dey jalike da lion dat make loud noise wen he kill one animal an rip um up. Az jalike da prince guys eat up da peopo. Dey rip off da rich kine stuff dat worth plenny, an make plenny Israel wahines come widows.

Micah 3:11

Dea main guys take unda da table kine money Fo judge dat da guy dat pay um, he da one stay right. Dea pries guys teach da Rules from God, But ony if da peopo pay um too. Da guys dat tell dey talk fo God, Make da peopo pay fo tell dem wat goin happen. But same time dey talk bout how dey trus Da One In Charge, an tell: ‘Da One In Charge stay hea wit us guys. So no mo notting bad goin happen to us guys!’

Jeremiah 23:32

Fo shua, I stay agains da guys dat tell bulai kine dreams. Dey tell wat dey wen dream, an dey make my peopo go da wrong way wen dey go all out fo bulai um. But I neva tell dose guys fo talk fo me. I neva tell um fo do notting. Dey no do notting good fo dese peopo.” Az wat Da One In Charge tell.

Jeremiah 14:14

Den Da One In Charge tell, “Dose guys dat tell dey talk fo me, dey use my name fo bulai you guys! No matta dey tell dey talk fo me, I neva sen dem. I neva tell dem fo talk lidat. I neva even talk to dem! Dey tell dey see dreams dat come from me, but dey bulai! Dey aks da gods fo da odda peopos fo tell um wat goin happen, but all dat, ony wase time! Dey make jalike all da stuff dey tell you guys stay fo real, but dey ony bulai you guys! Dem guys, dey tell all dat stuff to you guys jalike dey stay talking fo me! But dey not.

Rules Secon Time 32:32

Da guys dat stay agains us, Jalike da grape plant dat come from da Sodom peopo, An from da fields Gomorrah side. Sour dea grapes taste An can kill you!

Start 18:20

Den Da One In Charge tell Abraham, “Abraham! Ova an ova, get peopo tell me fo help dem, cuz da Sodom an Gomorrah peopo real bad. Da bad kine stuff dey stay do, real horraz!

Matthew 11:24

But I stay tell you guys, bumbye goin be mo easy fo da Sodom guys wen dey stan in front God da Judge, den fo you guys.”

Zefaniah 3:4

Da guys ova dea dat tell dey talk fo God, Dey stay buckaloose. Dey da kine guys you no can trus. Dea pries guys make pilau da place dat stay spesho fo God. Dey make da Rules From God come jalike dey no mean notting.

Jeremiah 20:16

I like fo da guy dat tell my faddah I born, come jalike Sodom an Gomorrah towns, Dat Da One In Charge wen wipe um out an no show pity! I like dat guy hear peopo stay crying morning time, An army guys stay yelling fo fight noon time!

Start 13:13

But da Sodom peopo, dey bad peopo. Dey erytime do bad kine stuff dat Da One In Charge tell dey betta not do.

Jesus Show 22:15

Outside da town get da peopo dat dey jalike dogs, da peopo dat put kahuna on top watevas, da peopo dat fool aroun somebody, da peopo dat like murda oddas, da peopo dat go down an pray to da idol kine gods, an erybody dat like fo bulai peopo.

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.

Jesus Show 19:20

But da Guy on top da horse win agains da Wild Animal, an agains da guy dat tell he talk fo God but he bulai. Da Bulaia Guy do all kine awesome stuff fo show dat da Wild Animal get powa. Az how he bulai all da peopo dat get da Wild Animal mark on top dea forehead, an dat go down an pray to his statue. Den da Guy dat stay ride da horse throw da Wild Animal an da Bulaia Guy inside da lava lake dat stay burn wit sulfur.

Jesus Show 11:8

An dea bodies goin stay on top da street inside da Big Town, da one you can tell stay jalike Sodom town o jalike Egypt. Dat Big Town, dass wea dey wen put Da One In Charge, Jesus, on top da cross fo mahke.

Jude 1:7

An same ting wit da peopo from Sodom an Gomorrah an all da odda towns aroun dea. Dey buckaloose an dey make all kine sex wit anybody. God use dem fo show erybody dat if he gotta punish somebody, he can punish um foeva wit fire.

2 Peter 2:6

Anodda time had da peopo from Sodom town an Gomorrah town. God wen punish dem cuz dey was real bad. He wen burn up eryting all aroun dea, so ony had ashes an da peopo wen mahke. All dis wen happen fo show someting to da odda peopo dat come afta an make jalike God notting. God show um dat da same ting goin happen to dem if dey make lidat.

1 Timoty 4:2

Dey tell one ting an do da odda, an dey bulai. Inside notting bodda dem wen dey do wass wrong, an dey no feel sorry notting wen dey do bad kine stuff.

Malakai 1:1

Lissen up! Dis wat Da One In Charge tell. He tell dat me, Malakai, da messenja guy dat suppose to tell da Israel peopo bout Da One In Charge.

Ezekiel 13:16

Az da guys dat tell dey talk fo God fo da Israel peopo, you know. Dey wen tell da Jerusalem peopo dey get message from me, an dey get dream dat eryting goin stay good, no matta no stay lidat! Az wat me, Da One In Charge, da Boss, tell.’

Jeremiah 23:17

Ova an ova, dey tell da guys dat make deaf ear to me, ‘No worries! Da One In Charge tell, dat eryting goin stay okay fo you guys!’ Dey tell da guys dat stay hard head An make up dea mind fo do any kine, ‘No mo notting bad goin happen to you!’ ”

Jeremiah 18:13

Az why Da One In Charge tell dis: “Aks all da peopos, You guys hear somebody talk lidis, o wat?! Da Israel peopo, I get love an aloha fo dem, jalike dey my wahine, But now, dey do one real real bad kine ting.

Isaiah 9:15

(You know, dea older leadas an da ones dey get respeck fo, Dey jalike da head. Da guys dat tell dey talk fo God, but dey bulai peopo wen dey teach, Dey jalike da tail.)

Jeremiah 23:22

Too bad, dey neva stan an hear Da secret plan bout wat I goin do, Cuz if dey wen hear dat fo real kine, Den dey go tell wat I tell to da peopo. Dey tell um, ‘Change da way you live, No do wass wrong!’ But dey no do dat.”

Jeremiah 36:2

“Go get papyrus kine paypa fo make one roll up kine book. Write on top um all da messages I wen give you bout wat goin happen to Israel, Judah, an da odda peopos. Start from da time wen Josiah stay king an wen me start fo talk to you da firs time, till now.

Jeremiah 49:18

Jalike da time Sodom an Gomorrah come all bus up, An all da towns aroun dem too. Same ting, no mo nobody goin live inside Edom. No mo nobody goin stay ova dea even fo short time.” Az wat Da One In Charge tell.

Ezekiel 13:19

You guys make my peopo tink I one pilau kine god. Dey tink dey can make me do stuff if dey pay you guys two-three handful a barley an one small piece bread. Az why you wen kill da peopo dat not suppose to mahke, an you let da peopo stay alive dat not suppose to stay alive. Az how you guys bulai my peopo an dey lissen you.

Hosea 6:10

I wen see real bad tings Da Israel an Efraim ohanas stay do. Ova dea, dey come pilau Cuz dey fool aroun wit odda gods.

Amos 4:11

Da One In Charge tell: “I wen wipe out some a da towns wea you guys live, Same ting jalike I wen wipe out Sodom town an Gomorrah town befo time. Some a you guys wen get outa yoa towns alive, aah? Dey jalike sticks dat somebody pull out quick from da fire Dat stay half burn awready. Still yet, you guys no like come back an be my guys!” Dass wat Da One In Charge tell.

Zekariah 13:2

Da One In Charge, Da God Ova All Da Armies, tell: “Dat time, I no goin let nobody use da names fo all da idol kine gods from da land. Nobody goin rememba dose gods no moa. I goin throw out da peopo dat talk fo dose gods, an da pilau kine spirit dat peopo inside dis land get.

Start 19:24

Den Da One In Charge make burning sulfur come down outa da sky wea he stay. Da fire come down on top Sodom town an Gomorrah town, jalike was rain.

Start 19:25

Az how God wipe out eryting inside dose towns, eryting aroun da towns, all da peopo dat live inside da towns, all da stuff dat grow on top da groun, eryting.

Jeremiah 29:21

Dis wat me, Da One In Charge, da God Ova All Da Armies, da God fo da Israel peopo, tell bout Ahab Kolaiah boy, an Zedekiah Maaseiah boy. Dey tell dat dey talk fo me, but dey stay bulai you guys. Az why I goin make dem come prisona guys fo Nebukadnezzar, da king fo Babylon, an he goin tell his guys kill dem in front you guys.

Sad Song 4:6

Da One In Charge punish my peopo Mo worse den da Sodom peopo wen get punish Fo da bad tings dey wen do. Sodom town come wipe out real fas, No matta nobody attack um.

Micah 1:5

All dis stuff goin happen, Cuz da peopo dat come from Jacob Go agains wat Da One In Charge Wen tell um fo do! Da peopo dat come from Israel Stay do bad kine stuff! Who get da blame cuz da peopo dat come from Jacob Go agains Da One In Charge, aah? Da Samaria peopo, in dea main town, Dey get da blame! Wea da peopo dat come from Jacob, Dey go make sacrifice to da odda gods, aah? Da Judah peopo, in dea main town Jerusalem, Dass wea dey go down in front da idol kine gods.