Jeremiah 22:9 - Hawaii Pidgin Bible

⁹ Odda peopo goin tell, ‘Cuz da peopo broke Da deal dey wen make wit dea God, Da One In Charge, An dey go down an show respeck fo odda gods, an work fo dem.’ ”

Jeremiah 22:9 Referans Kwoze

2 Records 34:25

Cuz da peopo wen bag from me. Dey make sacrifice fo da odda gods. I stay real piss off cuz a all da idol kine stuff dey wen make wit dea hands. I goin stay real huhu wit dis place, an no mo notting goin change dat!’

2 Kings 22:17

Dis peopo wen go way from me, Da One In Charge. Dey burn incense fo odda gods. Dey make me come real sore inside, cuz a all da idol kine gods dey wen make. Az how come I goin come huhu wit dis place, jalike I goin start one fire an nobody can pio um!’

Jeremiah 50:7

Anybody dat find dose sheeps eat um up! Da ones dat stay agains my peopo tell: ‘Poin finga dem, not us guys, fo us eat um lidat! Cuz was dem, not us, dat wen do bad kine stuff agains Da One In Charge An Da One In Charge, he jalike da fo real kine grass land, He da fo real kine res place fo his sheeps. Da One In Charge, he da One dea ancesta guys wen wait fo.’

1 Kings 9:8

Dis Temple goin come one big mess jalike one rubbish pile. Erybody dat pass by dea no goin tink wat dey see az fo real. Dey goin tell, ‘How come Da One In Charge wen do dis to da land an da Temple?!’

Jeremiah 9:13

Da One In Charge tell: “Az cuz dey no like follow my Rules dat I wen give um. Dey no like lissen wen I talk, an dey no do wat da Rules tell.

Jeremiah 11:3

Tell dem dat dis wat me, Da One In Charge, da God fo da Israel peopo, tell: Anybody dat no do wat my deal wit da Israel peopo tell, dey goin get kahuna put on top dem.

Jeremiah 16:11

Den you tell dem, ‘Dis wat Da One In Charge tell: Yoa ancesta guys wen bag from me. Dey stay tight wit odda gods, dey work fo dem, an dey go down an pray in front dem. Dey bag from me, an no do wat my Rules tell.

Ezekiel 5:15

Da nations aroun you goin tell how pilau you guys town stay an make fun a you guys town. Dey goin see dat dey betta not make jalike you guys. An dey goin come sked cuz dey no like come jalike you guys afta I punish you guys. I stay huhu, I tell ‘Laytas’ to da stuff you guys do, an I give you guys scoldings. Me, Da One In Charge, I da one tell dis.

Ezekiel 12:16

But I goin make shua some a dea guys stay alive, so dey no mahke in da war o from no mo food, o from da real bad kine sick. Az fo dem tell da Pilau Stuff story ova an ova inside da countries wea dey goin go bout all da pilau kine stuffs dey wen do. Den dey goin know dat me Da One In Charge.”

Ezekiel 14:23

You goin stay mo good inside bout how dey ack an wat dey do, cuz den you goin know dat wateva I wen do to da Jerusalem peopo, az was da bestes ting fo do. Az wat Da One In Charge, da Boss, tell.”

Ezekiel 39:23

An da diffren nations goin know dat da Israel peopo wen come prisonas an go far away cuz dey do wass wrong, an I no can trus um. Az why I hide from dem an let da peopo dat like fight dem get powa ova dem. An dey all get kill wit swords.

Rules Secon Time 29:24

All da odda peopos goin aks, ‘How come Da One In Charge do dis to dis land? How come he real huhu?’

Jeremiah 11:10

Dey stay make jalike befo time an do wass wrong. Dey do same kine ting dea ancesta guys wen do. Dea ancesta guys neva like lissen wat I tell. An now, dese guys stay tight wit odda gods an work fo dem. Da Israel an Judah ohanas wen broke da deal I wen make wit dea ancesta guys.