Jeremiah 22:14 - Hawaii Pidgin Bible

¹⁴ He tell, ‘I goin build my big palace. I goin get rooms on top da oddas wit plenny space. I goin put big windows dea. An put cedar wood panel all ova da inside wall. An paint um real red.’

Jeremiah 22:14 Referans Kwoze

2 Samuel 7:2

David tell Nathan (he one guy dat talk fo God), “Eh! I stay living hea inside one nice palace wit cedar wood all ova. But da Box Fo No Foget God, stay inside one cloth tent!”

Haggai 1:4

“You guys tink dat now stay okay fo you guys live inside yoa own houses wit nice kine wood walls, same time my house stay all bus up, o wat?!”

Malakai 1:4

“Da Esau peopo dat live inside da Edom land tell: Us guys stay all bus up, but we goin come back an build eryting dat wen get smash! “But me, Da One In Charge, Da God Ova All Da Armies, I tell: Wateva dey goin build, I goin bus um up. Wen odda peopos talk bout dem, dey goin call da Esau land ‘da land wea peopo dat do bad kine stuff stay,’ an ‘da peopo dat Da One In Charge put kahuna on top dem foeva’

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”

Isaiah 9:9

All da peopo dea goin know wat God tell, Da Israel peopo, an da peopo inside Samaria town. But dey come high nose, an get big head. Az why dey talk lidis:

Love Song 1:17

Yeah, an da cedar trees, dey da beams fo oua bedroom. An da cypress trees, dey da roof.

Smart Guys 24:27

Make ready all da outside kine work you gotta do, An make da field ready fo plant. Afta dat, go build yoa house.

Smart Guys 17:19

Da kine guy dat like go agains erybody, He like make argue wit erybody. Da kine guy dat put up one high door fo his house Fo ack high makamaka, Jalike he like fo somebody come bus um up.

2 Records 3:5

Solomon make da inside walls fo da main temple hall with juniper wood, an he put pichas a date palm trees an chains on top um.

Ezekiel 23:14

“But Oholibah fool aroun mo plenny den dat! She see pichas dat look jalike Babylon guys, da kine pichas dey cut into da palace walls dat somebody draw wit red kine uniform.

Amos 6:8

“Da Boss, Da One In Charge a me, he wen make one strong promise, An he no need anodda guy fo help him do um, jus him. Dis wat Da One In Charge tell: ‘Watch out! Me, I so mad wit dem Israel guys! Dey tink dea Israel ohana mo betta den anybody! Dey get strong wall, but I goin go agains um! Dea main town, an eryting inside dea, I goin give all a dat To da guys dat stay agains um.’ ” Dass wat Da One In Charge tell. An you know wat?! He da God Ova All Da Armies.