Tink bout da guys dat wen bus ass inside yoa fields. You guys was suppose to pay dem fo da work dey wen do, but you guys neva. Dat show fo real kine how bad you guys stay. Da same guys dat wen harves da ripe food, dey stay make big noise. But you know wat? Da One In Charge Ova All Da Armies, he stay lissen dem!
Jeremiah 22:13 - Hawaii Pidgin Bible13 Da One In Charge tell dis: “Ho, King Jehoiakim! He all jam up! Cuz wen he build his palace, He neva do wass right, fo pay fo um. He bulai da peopo dat help him Fo him make da rooms upstairs. He make da guys from his peopo work fo notting. He no pay dem fo dea work. Gade chapit la |
Jeremiah 22:13
16 Referans Kwoze
Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”
Az why dis wat Da One In Charge tell bout Jehoiakim, Josiah boy, dat come king fo da Judah peopo afta King Josiah mahke: “Da ohana peopo no goin stay sad inside Wen Jehoiakim mahke. Dey no goin tell, ‘Bummahs he wen mahke, braddah! Bummahs, sistah!’ Dey no goin tell, ‘Bummahs, oua king wen mahke! Bummahs, awesome him!’
Piblisite