Jeremiah 19:13 - Hawaii Pidgin Bible

¹³ Da houses inside Jerusalem an da houses fo da Judah kings goin come pilau cuz a all da mahke bodies, jalike dis Tofet place. Dis cuz dey burn incense on top dea flat roofs fo all da gods in da sky, an pour out drink sacrifice fo da odda kine gods.’ ”

Jeremiah 19:13 Referans Kwoze

Jeremiah 32:29

Da Babylon guys dat attack dis town goin come inside an make one big fire. Dey goin burn da town fo shua—da houses fo da peopo dat make me come huhu, cuz dey burn incense on top dea flat roofs fo da god Baal, an dey pour out wine fo make sacrifice dea fo da odda gods.

2 Kings 23:12

He broke down da sacrifice altars dat da Judah kings wen put up on top da flat roof ova da upstairs room wea King Ahaz wen stay, an da altars dat King Manasseh wen build inside da two open lanais fo da Temple Fo Da One In Charge. He take all of um outa dea, an smash um in small kine pieces, an throw all dat stuff inside da Kidron Valley.

Zefaniah 1:5

I goin wipe out da peopo dat go on top dea flat roofs Fo go bow down in front Da sun, da moon, an all da star gods. An I goin wipe out da peopo dat use my name ‘Da One In Charge’ fo pray to me, An same time dey use da Molek god name fo pray to him too.

Jeremiah 7:18

Da kids get firewood, an dea faddahs make fire, an da wahines lomi da bread dough fo make spesho kine roun breads fo make one sacrifice fo da wahine god dey call da Queen A Da Sky. Dey pour wine on top da altars fo make sacrifice fo da odda gods too, jus fo piss me off.

Rules Secon Time 4:19

An wen you guys look up inside da sky an see da sun, da moon, an da stars—all da tings dat get inside da sky—no tink you gotta go down pray to dem an do stuff fo dem, notting. Yoa God, Da One In Charge, wen make all dose tings! He give um to all da peopos inside da world.

Jeremiah 44:18

But you know wat?! Wen we stop burn incense fo da Queen Inside Da Sky, an pour out da drink offering fo her, us no mo notting, an mo an mo peopo mahke cuz a da war an cuz no mo food!”

Songs 79:1

Eh God! Da diffren peopos, Dey wen attack da land dass yoas. Dey wen make da Temple pilau Dat stay spesho fo you, Fo us guys no pray dea now. Dey wen bus up eryting Inside Jerusalem town.

Songs 74:7

Dey wen burn down da place Dat stay spesho fo you, All da way to da groun. Da place wea erybody know dat you live, Dey wen make um so no can pray dea.

2 Kings 23:10

Josiah make da place dey call Tofet, dat stay inside da Ben Hinnom Valley, so nobody can use um fo kill dea boy o girl dea, fo make one sacrifice wit fire fo da idol god Molek.

Jesus Guys 7:42

So God make jalike he donno dem, an let dem go down an pray to da sun an da moon an da stars. Dat happen jalike da guy Amos, dat talk fo God long time befo time, write down. He tell, “ ‘You Israel peopo, Dat no was fo me you make sacrifice fo, Forty year inside da boonies! Nah!

Ezekiel 20:28

I wen bring dem inside da land dat I wen make one strong promise fo give dem. But den, erytime dey see one high hill o one tree wit plenny leafs, dass wea dey make dea sacrifices dat make me come huhu. Dass wea dey put out dea stuffs dat smell nice an make you feel good. Dey pour out dea drink sacrifice dea too.’

Jeremiah 52:13

Him an his guys burn down da Temple Fo Da One In Charge, da king palace, an all da houses inside Jerusalem, wea da importan peopo live befo time.

2 Kings 23:14

Josiah smash all da kapu stones, an cut down da tiki poses fo da wahine god Asherah, an cova dea place wit mahke peopo bones so no mo nobody can make sacrifice dea.

Jesus Guys 10:9

Da nex day, noon time, dey come nea Joppa. Dat time Peter go up on top da flat roof fo pray.

2 Kings 17:16

Da peopo no lissen all da tings dea God, Da One In Charge, wen tell um fo do. Dey even make two idol kine gods from metal fo dem pray to, dat look jalike bebe cows. Dey set up poses fo da wahine god Asherah. Dey go down in front da sun an moon an all da stars inside da sky jalike dey gods, an dey let da Baal god be dea boss.

Jeremiah 8:2

Dey goin put da bones on top da groun so da sun, da moon, an all da stars inside da sky goin shine on top um cuz da sky kine gods, az da ones da Jerusalem peopo get love an aloha fo an work fo. Dey follow da sky kine gods, an dey aks um wat fo do, an dey go down in front um fo show um respeck. No mo nobody goin pick up da bones fo bury um. Dey goin stay on top da groun jalike dey rubbish.

Jeremiah 19:12

Me, Da One In Charge, dis wat I goin do to dis place an to da peopo dat live hea. I goin fill up dis town wit mahke bodies jalike Tofet Valley.

Isaiah 22:1

Me Isaiah, I get heavy kine stuff fo tell bout wat I see goin happen to da Jerusalem peopo: Dis wat God tell bout da place Wit mountains all aroun, Wea can see wat goin come bumbye. “Wassup wit all you guys?! How come erybody go up on top yoa flat roof?!