Jeremiah 17:15 - Hawaii Pidgin Bible

¹⁵ But you know wat? Peopo stay tell me, ‘Dis “message from Da One In Charge” you stay talk bout— Eh, us like see dat happen right now!’

Jeremiah 17:15 Referans Kwoze

Isaiah 5:19

Dat kine peopo tell, “We like God fo hurry up! We like him make fas fo do his work, Fo us guys see da ting Dat da Good An Spesho God fo da Israel peopo Make plan fo do. We like see dat happen quick, Den us guys goin know bout um.

Amos 5:18

Anodda time, Amos tell: “Bummahs, fo you guys dat talk lidis: ‘Time awready fo Da One In Charge show up!’ Wat you guys tink goin happen to you Wen Da One In Charge come back, aah? Wen he show up, eryting goin come hard fo you guys, not good! Jalike one storm make eryting come dark, no mo light!

Ezekiel 12:22

“Eh! Fo Real Kine Guy! Wat dis ting dat you peopo inside da Israel land tell each odda? You guys tell: ‘Fo one long time, no mo notting happen, from all da tings God show da guys dat talk fo him!’

Malakai 2:17

You guys, you talk too much, you make Da One In Charge real tired! An you tell, “How us guys make God tired?” Az cuz you tell, weneva you do bad kine stuff, Da One In Charge tink you good, an he stay good inside cuz a wat you do. Az why you guys tell, “You tink God goin judge us? No way!”