Jeremiah 16:17 - Hawaii Pidgin Bible

¹⁷ Cuz I can spock um, ery place dey go. Dey no can hide from me. Dey no can hide da bad kine stuff dey do fo me no see um.

Jeremiah 16:17 Referans Kwoze

Smart Guys 15:3

Da One In Charge, he see eryting. He see wat da bad kine peopo do, An da good kine peopo do.

Jeremiah 23:24

If somebody go hide inside one place nobody know, You tink I no can see um, o wat?! But me, I fill up da sky an da earth!” Az wat Da One In Charge tell.

Smart Guys 5:21

Cuz Da One In Charge, he can see eryting dat erybody do, Jalike dey stay do um right in front him. An Da One In Charge, he look wat dey do, If good o no good.

Songs 90:8

All da time, us guys do tings We get da blame fo. But you know, right den an dea. Us guys do bad tings An hide um from you. But you see um, Jalike get one spotlight on top um.

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

Jeremiah 32:19

You tell plenny peopo wass good fo dem do, an you stay strong fo do plenny kine stuff. You see an know how all da peopo stay live. You pay erybody fo da way dey live, good o bad, an fo wateva happen from da tings dey do.

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

Ezekiel 9:9

Da One In Charge tell me, “Da Israel peopo an da Judah peopo do real plenny bad kine stuff. Get plenny peopo dat wen bleed an mahke all ova Israel an Judah. An da judges all ova Jerusalem town no judge da right way, so dey let da killa guys go erytime. Da Israel peopo an da Judah peopo tell, ‘Da One In Charge wen bag from dis land. Da One In Charge, he no see wass happening!’

Isaiah 29:15

Bummahs! fo da guys dat tink dey can hide dea plans Inside one deep hole, so Da One In Charge donno bout um. Bummahs! fo da guys dat do dea work in da dark an tink, “Nobody goin see us! Nobody goin know!”

Songs 139:3

From da time I wake up Till da time I go sleep, You see wea I go. You know awready how I do stuff.

Ezekiel 8:12

God tell, “Eh, Fo Real Kine Guy! You see wat da older leada guys fo da Israel peopo stay do inside dis dark place? All a dem stay by da rooms dat get dea idol kine gods inside. Cuz dey tink, ‘Da One In Charge, he no stay! He no see us! He wen bag from da land!’ ”

Songs 51:9

No look da bad tings I wen do. Hemo da shame Fo all da wrong kine tings I wen do.

Songs 109:15

Da bad kine tings His ancesta guys wen do, Da One In Charge, make shua You no foget dat, An make shua nobody inside dis world Rememba who dem.

Jeremiah 2:22

“No matta you guys wash yoa pilau clotheses wit stuff fo make um clean, An use plenny soap, Still yet, I see you guys get da blame, Jalike you get one bad kine stain.” Dass da message from Da One In Charge, da Boss.

Jeremiah 29:23

Az cuz dey wen ack stupid an broke da rules from God inside Israel. Dey fool aroun wit odda guys wifes. Dey use my name an tell dey talk fo me, but dey bulai—no was me tell dem fo say wateva dey tell. I know wat dey wen do an I can tell wat I wen see.” Az wat Da One In Charge tell.

Zefaniah 1:12

Dat time I goin use small olive oil lamps Fo look all ova Jerusalem town, An punish da peopo dat no kea wat God tink. Dey jalike da wine dat jus sit wit da junk kine stuff inside. Dey figga, ‘Da One In Charge no goin do notting to us guys, Good o bad!’

Zekariah 4:10

No talk like az no good wen get ony litto bit work dat pau! Peopo goin stay good inside wen dey see Zerubbabel stay work, pulling da string fo make shua da walls line up! (Da seven olive oil lamps on top da lamp stan, dey fo no foget dat Da One In Charge get eyes dat look all ova da world.)”

Job 10:14

If I do anyting dass wrong, you stay watch me, An fo shua you goin punish me fo dat.

Job 31:4

God see eryting I do. He watch ery step I make.

Songs 33:15

He make dem fo dem all tink. An he undastan eryting dey do.

Isaiah 66:18

“But me, I know Eryting dey do, an eryting dey tink. I ready fo come Fo bring togedda all da diffren peopos An all da diffren languages. Wen dey come, dey goin see How awesome I stay.

Jeremiah 7:11

Da way you guys ack, you guys tink dis Temple dat get my name, fo show erybody wat kine god me, az one hangout fo crooks fo you guys hang out dea! But watch out! Me, I spock wat you stay doing!’ ” Az da message from Da One In Charge.