Jeremiah 15:16 - Hawaii Pidgin Bible

¹⁶ Wen I hear wat you tell, I lissen real good, Jalike I stay eat um up! All dat make me stay good inside, Make me like dance an sing. Cuz peopo know I stay tight wit you! Da One In Charge, you da God Ova All Da Armies!

Jeremiah 15:16 Referans Kwoze

Job 23:12

I no go bag from wat he tell fo do. I lissen good wat he tell. Cuz I know az jalike rich kine stuffs he give me, An dass mo betta den da food I eat ery day.

Songs 19:10

Wen Da One In Charge tell wass right, Az good you like lissen him Mo den you like get gold, Even mo den plenny gold, da bestes kine. Da Rules From God, mo sweet den da honey, Even da fresh honey dat stay inside da wax still yet.

Songs 119:111

Da tings you teach, Dey goin stay wit me all my life, Cuz dey da tings dat make me Stay real good inside.

Songs 119:97

Eh! I get love an aloha Fo da Rules you teach! All day, I tink bout um.

Songs 119:72

Da Rules you teach, dey good fo me, Mo den all da gold an silva dat get.

Jeremiah 14:9

How come you ack Jalike you donno wass happening?! How come you ack Jalike one army guy dat no can get us outa trouble?! You stay right hea wit us, Da One In Charge. Erybody know dat us guys yoa peopo. So no leave us!”

Ezekiel 2:8

But you, Fo Real Kine Guy, you lissen wat I tell you. No go agains me jalike how da Israel ohana wen go agains me. Now open yoa mout, an eat wat I goin give you.”

Micah 2:7

But you Jacob ohana peopo, You guys tink az good you talk lidat, o wat?! You tink da Spirit a Da One In Charge come huhu too fas? You tink az how he do stuff, o wat? Da One In Charge tell: “Fo shua, wat I tell make good tings happen Fo da peopo dat do right kine stuff.

Nehemiah 8:12

Den all da peopo go from dea fo eat an drink an sen food to odda peopo, an fo stay feel real good inside. Cuz now dey undastan da tings da leada guys wen teach dem.

Songs 119:16

Wen I tink bout da tings You tell me I gotta do fo you, Make me feel real good inside. I no goin foget da tings you tell.