Jeremiah 15:11 - Hawaii Pidgin Bible

¹¹ Da One In Charge tell: “Garans I goin get you outa dis Fo eryting come good fo you, Jeremiah. Garans I goin make da peopo dat stay agains you Come aks you fo help dem wen dey in trouble an get hard time.

Jeremiah 15:11 Referans Kwoze

Smart Guys 16:7

Wen Da One In Charge like da way you live, Even wen peopo stay agains you, Da One In Charge goin make dem tink diffren bout you So eryting goin come good wit you an dem.

Songs 106:46

Fo all da diffren nations Dat wen take his peopo Away from da Israel land, Da One In Charge make dem Feel pity fo his peopo.

Jeremiah 37:3

Still yet, Zedekiah wen sen Jehucal, Shelemiah boy, an da pries guy Zefaniah, Maaseiah boy, by Jeremiah fo tell um: “Pray to oua God, dass Da One In Charge a us, fo help us guys!”

Teacha 8:12

Get bad guys dat do uku pile a bad kine tings, an still yet live long time, you know. But I know dis too: Da peopo dat stay sked a God, dey goin live mo betta den da bad kine guys cuz dey get choke respeck fo God.

Jeremiah 42:2

dey go by Jeremiah, da guy dat talk fo God. Dey tell um, “Us guys get one real importan ting we like aks you fo do! We like you fo pray to yoa God, Da One In Charge, fo us guys, fo help all us an oua peopo dat stay still yet inside da land. Cuz how stay fo us, we ony litto bit peopo now. Befo time, we wen come plenny peopo, but dass not how stay now.

Jeremiah 21:2

Dey tell um, “Try find out fo us guys from Da One In Charge, wass goin happen now. Cuz Nebukadnezzar, da king fo Babylon, stay make war wit us guys. Maybe Da One In Charge goin do someting fo help us guys, jalike da awesome kine stuff he wen do befo time. We like see Nebukadnezzar go home an no make trouble fo us guys!”

Smart Guys 21:1

Wen one king guy gotta make up his mind wat fo do, Da One In Charge, he da One Stay in charge a wat da king pick. Az jalike da guy in charge a da watta ditch. He make da watta go wea eva he like make um go.

Songs 138:3

Weneva I yell to you fo help me, You help me. You make um so I no come sked Fo do wat I need fo do, Dass how you make me Come strong inside.

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Jeremiah 37:17

Den King Zedekiah tell his guys fo bring Jeremiah by da palace, but bring um secret kine so nobody know he dea. Zedekiah aks Jeremiah, “You get one message from Da One In Charge, o wat?” Jeremiah tell, “Shua, get! Da One In Charge goin make da Babylon king catch you.”

Jeremiah 38:14

Den King Zedekiah sen guys one mo time fo bring Jeremiah da guy dat talk fo God, by him. He tell his guys fo bring him by da numba three gate fo da Temple Fo Da One In Charge. Da king tell Jeremiah: “I goin aks you someting. No hide notting from me.”