Jeremiah 14:3 - Hawaii Pidgin Bible

³ Dea alii guys sen dea worka guys fo go carry watta. Dey go da watta storage places, But no mo watta ova dea. Dey come back wit empty watta jars. Dey shame an dey lose face, Az why dey cova dea head.

Jeremiah 14:3 Referans Kwoze

2 Samuel 15:30

Same time, David, he stay go up da Olive Ridge, an stay crying wen he go. He cova his head fo show he shame an he walk barefeet. All da peopo wit him cova dea head too an stay cry wen dey go.

Songs 40:14

All da ones dat like kill me, I like dem fall down an come shame. Da ones dat feel good inside Wen someting bad happen to me, I like God make dem plenny shame.

2 Kings 18:31

“No lissen Hezekiah! Cuz dis wat da Assyria king tell: Make good wit me, an come out by me. Den all you guys goin eat fruits from yoa grape plants an fig trees, an drink from yoa pukas fo get watta,

Amos 4:8

Had peopo from two-three towns, Real thirsty, aah? Dey stagga to anodda town Fo try get watta fo drink, But dey no can find enuff. Still yet, you guys no like come back an be my guys!” Dass wat Da One In Charge tell.

Jeremiah 2:13

“My peopo wen do two real bad tings: Numba one, dey wen bag from me, No matta I jalike one watta spring Wea da watta come out all da time An make peopo come alive. Numba two, dey go wit odda gods, dass good fo notting. Jalike dey dig big holes fo hold watta, But no can hold da watta!

Joel 1:20

Even da wild animals like fo you help um. Da mos deep streams fo watta stay all dry up. Da fire burn up all da place dat get grass inside da boonies.

Jeremiah 20:11

But Da One In Charge, he stay wit me Jalike one skery kine army guy. Az why da guys dat like give me hard time, Dey goin trip an fall down. Dey no goin win. Dey goin come real shame. Tings no goin come good fo dem. Nobody goin foget dat dey get shame all da time.

Jeremiah 14:4

Da groun all dry an stay crack, Cuz no mo rain inside da land. Da farma guys stay shame. Az why dey cova dea heads too.

Songs 109:29

Da ones dat no like me, Nobody goin respeck dem. Dey goin come shame fo eryting.

Job 6:20

Dey come bum out cuz dey stay shua fo find watta. Wen dey reach da place, dey stay real bum out, cuz no mo da watta.

Esther 6:12

Afta dat Mordecai go back by da king gate. But Haman run home quick. He put one cloth ova his head fo cova um, cuz he real shame.

1 Kings 17:7

Den eryting change. Da stream all come dry, cuz no mo rain all ova da land.

2 Samuel 19:4

Da king put his hands fo cova his face an cry real loud, “Bummahs! My boy, Absalom! Bummahs! Absalom, my boy, my boy!”

Jeremiah 2:37

Wea eva you guys go fo make one deal Fo dem help you, You goin go way from dea Wit yoa hands on top yoa head, Cuz dey make you come dea prisonas! Az cuz da peopos dat you guys trus, Dey no good. Me, Da One In Charge, an I tell you dat awready! You guys stay tight wit dem, Az why notting goin come good fo you guys.

Jeremiah 3:3

Az why I wen hold back da Novemba rain, An no mo March rain too. But you guys make hard head Jalike one hoa. You guys no let nobody make you come shame.

Jeremiah 15:18

How come I still stay suffa? An how come my plenny sores no heal, an no like come good? You goin come Jalike one small stream Dat stay all dry up, o wat?! You goin come jalike one puka Dat no can trus fo get watta inside, o wat?!”

Sad Song 4:4

Cuz da bebes stay thirsty, dea tongue stick to da top a dea mout. Da kids beg fo food, but nobody give dem even litto bit.

Hosea 2:3

If she no pau make lidat, Den I goin make her come naked Jalike da day she wen born. I goin make her come jalike da boonies An jalike da dry land. An den she goin come thirsty an mahke.

Zekariah 14:17

If some a da peopos on top da earth no go Jerusalem fo go down in front da King, Da One In Charge dass Da God Ova All Da Armies, dey no goin get rain.

Amos 4:7

Da One In Charge tell: “Da time you guys wen need da rain da mostes, Fo three month befo you harves da food, Was me dat hold back da rain. I wen make da rain go one town an not da odda town. Had rain one field, an anodda field dry up.