Jeremiah 14:22 - Hawaii Pidgin Bible

²² Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 14:22 Referans Kwoze

Joel 2:23

You peopo on top Mount Zion, stay real good inside, Cuz yoa God, Da One In Charge, give you plenny rain. He give rain befo da cold time come. Cuz he do da right kine tings. He sen plenny rain befo da cold time An afta da cold time, jalike befo time.

Jeremiah 5:24

Dey no talk jalike my peopo. Dey no tell: ‘Eh, we goin come sked an shake An get choke respeck fo oua God, dass Da One In Charge a us! He give da rain da right time hea, Novemba kine rain, an March kine rain. He make shua ery year get food ready fo harves.’

Songs 135:7

Da One In Charge, he da one Dat make da clouds come up From da mos far place in da world. He make da lightning an da rain. He da One dat make da wind come From da place wea he keep um.

Isaiah 30:23

Da One In Charge goin sen rain Fo da seeds you guys goin plant inside da groun. Da food dat da groun bring up From da seeds you guys plant Goin be good kine, an goin get plenny. Dat time yoa cows goin get plenny fo eat Inside da big field.

Rules Secon Time 32:21

Dey make me come jealous Cuz dey pray to da kine gods Dat not gods fo real kine. Dey make me come huhu Cuz a dea idol kine gods dat good fo notting. Me, I goin make dem come jealous, Cuz I goin do good tings Fo some no good peopo, not dem. I goin make dem come huhu Cuz I goin do good tings fo one nation Dat donno notting, not dem.

Jeremiah 51:16

Da thunda, az his voice, Da big noise from da watta inside da sky. He make da clouds come up From da mos far places on top da earth. He make da lightning come wit da rain He let da wind come outa his storage places.

Jeremiah 16:19

Me, Jeremiah, I pray lidis: “Eh, you Da One In Charge. You da One make me strong! You give me one strong place fo hide! I can run away dea wen get trouble! All da nations all ova da world goin come by you From da mos far places inside da world. Dey goin tell, ‘Fo shua, oua ancesta guys ony get bulaia kine gods, Idol kine gods dat good fo notting. Da idol kine gods neva help dem.’

Jeremiah 10:15

Dey no worth notting. Can ony make fun a dem. Wen dey go stan in front da Judge, He goin wipe dem out.

Isaiah 41:29

You know wat?! Dea idol kine gods, dey ony bulai! Wateva dey do, not importan. Dey jalike da wind, No mo notting inside!”

Songs 130:5

I stay wait, cuz I know Da One In Charge goin do someting. I know wat he tell, an dass why I stay wait fo him help me. An dass why I can hang in dea An trus him.

Songs 25:21

Eh God! Watch ova me, So dat notting bad happen to me! Cuz I no bulai, an I do wass right! I stay wait fo you Fo do someting good.

1 Kings 17:14

Cuz dis wat Da One In Charge, da God fo da Israel peopo, tell: Dat box flour no goin come empty, an erytime goin get olive oil inside da jar, till da time wen Da One In Charge sen rain on top da groun.”

1 Kings 17:1

Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

Rules Secon Time 28:12

“Da One In Charge goin open up da sky wea he keep plenny good stuffs, fo sen rain on top yoa land da right time, an fo make eryting you guys do go good. Plenny peopos goin borrow stuff from you, but you guys no goin need borrow from nobody.

Micah 7:7

“But me, I watch fo Da One In Charge. I wait fo God cuz he goin get me outa all dis trouble. My God goin lissen me.

Amos 4:7

Da One In Charge tell: “Da time you guys wen need da rain da mostes, Fo three month befo you harves da food, Was me dat hold back da rain. I wen make da rain go one town an not da odda town. Had rain one field, an anodda field dry up.

Jeremiah 10:13

Wen he talk, da thunda, jalike az his voice, An make da watta inside da sky make big noise too. He make da clouds come up From da mos far places on top da earth. He make da lightning come wit da rain. He bring da wind outa his storage places.

Isaiah 30:18

Dass how come Da One In Charge stay wait, Cuz he stay ready fo do good tings fo you guys. He goin stan up Fo show you guys pity an love. Cuz Da One In Charge, he da kine god Dat judge da right way erytime. An all da peopo dat stay wait fo him, Dey can stay good inside.

Songs 147:8

Da One In Charge, he da One Dat make da clouds cova da sky, An give da groun enuff rain, An him da one dat make da grass Come up all ova da mountains.

Songs 27:14

Eh erybody! Try wait! Da One In Charge goin take kea you! No lose fight, an no come sked notting! Wait fo Da One In Charge take kea you!

Songs 25:3

Same ting fo all da peopo dat stay wait fo you Cuz dey shua you goin help um. No let dem come shame too! But da back stabbas Dat do um cuz dey like do um, Make dem come shame!

Job 5:10

He da One sen da rain on top da earth, An sen watta on top da countryside.

1 Kings 18:1

Long time afta dat, da numba three year dat no mo rain, one message come from Da One In Charge fo Elijah: “Go talk to King Ahab. Cuz now, I goin make rain come down on top da groun.”

1 Kings 8:36

Den I like you lissen from da sky, An let go yoa Israel peopo Fo da bad tings dey wen do, An hemo dea shame! Teach dem da right way fo live, An let da rain come down on top da land, Dat you wen give yoa peopo fo come dea land.

Matthew 5:45

Wen you do dat, you goin show fo real kine dat you da kine kids dat come from yoa Faddah dat stay in da sky. He make da sun come up fo da bad guys an da good guys. An he sen rain fo da guys dat do da right tings, an fo da guys dat no do da right tings.

Jeremiah 5:12

“Da peopo talk bout Da One In Charge jalike he not importan. Dey tell, ‘He no goin do notting! No mo notting bad goin happen to us guys! We no goin get kill wit swords o come hungry!

Jeremiah 10:3

Cuz da way dose odda peopos show respeck fo dea gods, Ony wase time! Dey go inside da fores an cut down one tree, So one guy dat know how fo cut da wood fo make someting, An he make one idol kine god wit his tools.

Hosea 2:7

She goin chase afta da guys dat make sex wit her, But she no goin catch um up. She goin look fo dem, But she no goin find dem. Den she goin tell, ‘Eh! Wase time awready! I goin go back by my firs husban, Cuz wen I stay wit him, Eryting mo betta den now.’

Job 28:26

Wen God make da rules bout da rain, An da way fo da thundastorms go,

Jeremiah 10:12

Da One wen make da earth, was Da One In Charge, Cuz he get powa. He da One make da world stay how stay Cuz he know wat fo do erytime. Jalike he spread out da sky Cuz he know da bestes way fo make um lidat.

Micah 5:6

Dey goin take ova da Assyria land wit dea swords. Dey goin take ova da town gates Inside da land dat Nimrod wen make his land. Wen da Assyria guys march inside oua land, Oua leada guy goin win!