Jeremiah 12:11 - Hawaii Pidgin Bible

¹¹ Goin come one wasted place. Make me come sore inside wen I see dat empty land. Da whole land stay bus up Cuz no mo nobody kea bout um.

Jeremiah 12:11 Referans Kwoze

Jeremiah 23:10

All ova da land, get plenny peopo Dat ack jalike one wahine dat fool aroun behind her husban back, Cuz dey go fool aroun wit da odda gods. Da land get kahuna on top um, Cuz da peopo no do wat dey tell God dey goin do. Az how come da whole land look dry jalike stay mahke. Da places inside da boonies wea get grass, stay dry. Az cuz da guys dat suppose to talk fo God, Dey ony do wat dey like do, an az bad. Dey no use dea powa da right way.

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Jeremiah 14:2

“Da Judah peopo stay sad inside. Da big towns no mo biznis. Da peopo sit on top da groun An cry bout da land, jalike get one funeral. All da Jerusalem peopo stay yell fo help.

Malakai 2:2

Dis wat Da One In Charge, Da God Ova All Da Armies tell: “Maybe you guys goin make deaf ear, an no like lissen fo show respeck fo me, no matta you know wat kine god me. Den I goin put kahuna on top you guys. Even da good tings I wen do fo you guys, I goin put kahuna fo make all dat come bad fo you guys. Dass cuz you guys no go all out fo show respeck fo me, no matta you know wat kine god me!

Zekariah 7:5

“Tell all da peopo inside da land, an da pries guys, dis: Fo da las seventy year, da times you guys no eat so you can pray, an you stay sad inside, wen get da summa an da autumn, was fo real kine dat you guys no eat so you can pray to me, o wat?!

Jeremiah 19:8

I goin bus up dis big town so no goin get notting dea, an peopo goin come shock wen dey see um. Erybody dat pass by dea goin come bum out. Dey goin come shock cuz da town stay all bus up.

Jeremiah 10:25

Mo betta you throw yoa huhu On top da nations dat donno you, An wit da ohanas dat donno wat kine god you, An dey no call you fo help dem. Cuz dem, dey kill us peopo dat get Jacob fo oua ancesta, An dey bus up da land wea we live.”

Jeremiah 10:22

You know wat?! Get news: One big army stay coming From da land north side! Soun jalike one earthquake! Da army stay come Fo bus up all da Judah towns, Fo ony da jackal kine wild dogs live hea.”

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Jeremiah 6:8

You Jerusalem peopo betta lissen up right now! O I goin had it wit you guys. An I goin wipe you guys out Fo no mo nobody live inside yoa land.”

Isaiah 57:1

But da peopo dat get um right wit God, Wen dey mahke, Nobody even tink bout dat. Da peopo dat stay tight wit God, He take dem away. But nobody undastan God stay take away da good kine guys too, So dey no suffa from da bad kine stuff Da odda peopo stay do.

Teacha 7:2

Mo betta go visit one house wea da peopo make one funeral, Den visit one house wea dey make one party, Cuz erybody goin mahke bumbye. Good, da peopo dat stay alive tink serious kine bout dis.

Rome 8:22

Us guys know, from befo time till now, dat all da tings God wen make stay moan jalike get big pain, jalike wen one wahine suffa plenny wen she born one bebe.

Prieses 26:32

I goin bus up yoa land, so dat da guys dat stay agains you guys no goin feel good wen dey go dea fo take ova.

Jeremiah 4:20

Get one big boom, den anodda! All da land come bus up. Fas dey wipe out my tents, Mo fas den I can handle!

Jeremiah 4:27

Dis wat Da One In Charge tell: “All da land goin come bus up fo nobody live dea. But I no goin wipe all dem out.

Jeremiah 4:28

Az why da peopo all ova da world goin stay sad inside, An da sky up dea goin come dark. Cuz I awready wen tell wat I make one plan fo do, An I no goin change my mind an do someting diffren.”

Jeremiah 25:11

Dis whole land goin come dry an no goin get nobody live ova dea. Anybody go by dea goin come shock. All dese peopos goin work hard fo da Babylon king fo seventy year.” Az wat Da One In Charge tell.

Joel 1:10

Wasted da fields, An poho da groun. Da wheat an barley stay all wasted. Da juice fo make wine all dry up. No good, da olive oil.

Jeremiah 9:9

You tink I no need punish dem fo all dis stuff?! I goin punish um! You tink I no need pay back dat kine nation fo dis?! I goin pay um back!” Az wat Da One In Charge tell.

Jeremiah 9:10

Jeremiah tell: “Wen I tink bout da mountains, I like cry an make big noise. I goin sing sad songs bout da mahke peopo, Cuz a da grass inside da boonies Wea da sheep guys wen stay wit dea sheeps. Da grass stay all burn up, No mo nobody go thru dea. You no hear da noise from da cows no moa. Da birds an all da animals, Dey run away awready.”