Jeremiah 11:20 - Hawaii Pidgin Bible

²⁰ But you, Da One In Charge, da God Ova All Da Armies, you judge peopo da right way. You know how erybody feel an how erybody tink. I wen tell you eryting fo you take kea me cuz you da Judge. Az why I like you pay back da peopo dat stay make one plan fo kill me.

Jeremiah 11:20 Referans Kwoze

Jeremiah 20:12

Da One In Charge, you da God Ova All Da Armies. You tes da peopo dat do da right ting. You know how dey feel an how dey tink. I like see you pay back dose odda guys, Cuz I wen tell you eryting bout da problem I get.

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Songs 7:9

Cuz you da God dat do wass right erytime, An tes wat peopo tink An judge how dey stay inside. Make da peopo dat stay do bad tings, Fo no do um no moa! Make da peopo dat stay do wass right, Come strong an solid.

1 Samuel 16:7

But Da One In Charge tell Samuel, “No ways! No look da outside, how he look o how tall he stay. Cuz I no goin pick him. I no look fo da tings dat peopo like see. Peopo ony look wat stay da outside a peopo. But me, Da One In Charge, I look wat stay inside da peopo.”

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.

Jeremiah 17:18

“Da guys dat stay come afta me, I like you make dem come shame, But no make me come shame. Bum dem out, but no bum me out. Make bad kine stuff happen to dem, An bus um up, ova an ova!”

Jeremiah 15:15

Den I tell: “You Da One In Charge, you know how I stay. No foget me! You gotta take kea me. Pay back da peopo dat stay come afta me. No wait long time fo get mad wit dem. You gotta get me outa dis! You know how dey make me come shame Cuz I yoa guy.

1 Records 29:17

My God, I know fo shua dat you da One tes eryting us guys tink. I know fo shua dat you stay good inside wen us guys do wass right. I wen give all dis stuff cuz I like give um fo real kine. An now I stay good inside cuz I see yoa peopo dat stay hea, giving you plenny stuff cuz dey like give um.

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”

1 Peter 2:23

Wen dey tell any kine to him, he neva ansa back. Wen he suffa, he neva tell he goin pay um back. But he let God da Judge take kea all dat cuz he know God do da right ting.

2 Timoty 4:14

You rememba da guy Alexander, da guy dat make da coppa stuffs? Da buggah wen jam me up real bad! Da One In Charge goin pay him back bumbye, jalike Alexander wen do to me.

Philippi 4:6

Eh, no worry bout notting! Mo betta, eryting dat happen, pray bout um, an go aks God fo do wateva you guys like him fo do. An same time, no foget tell him, “Mahalo plenny!”

Jesus Guys 17:31

He set up one day wen he goin judge erybody inside da world. He goin sen one guy fo judge um da right way. He show dat dis stay true cuz he bring dat guy back alive from mahke.”

Jeremiah 12:1

“You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Songs 98:9

Cuz all dem stay In front Da One In Charge! Fo shua he stay coming fo be da judge Fo erybody inside da world. He goin judge da world da right way, An he no goin make Diffren kine to diffren peopos!

Songs 57:1

Eh God! Do good tings fo me! Do good tings! Cuz wen I aks you fo take kea a me, Den, nobody can hurt me. I like you take kea me, Jalike da muddah bird Put da bebe birds unda her wing Fo nobody hurt dem. I goin stay by you fo nobody hurt me, Till all dis stuff pau, Dat can wipe me out Jalike one storm.

Songs 43:1

Eh God! You da judge Fo show erybody dat I okay. I need fo you show proof Dat I neva do notting bad. Cuz da whole nation, Dey no stay tight wit you! I need fo you rescue me Away one place Wea dey no can hurt me. Away from da ones dat stay bulai An do bad tings to me.

Songs 35:2

Grab yoa arm shield an body shield An come help me!

Job 5:8

“But you know, if was me, I wen aks God fo show me wat fo do. I wen tell him my problem, fo him take kea me.

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

1 Samuel 24:15

I like Da One In Charge be da judge fo tell if you stay right, o I stay right! He can tell who get da blame. I like him tink bout wat I stay do. I like him tell erybody dat I not da one fo get da blame, an you, Saul, an you no mo da powa ova me.”

Songs 7:8

Eh! Da One In Charge, you da judge fo all da diffren peopos Kay den, Da One In Charge, show dat I stay right wit you, Cuz nobody can poin finga me. You, da Mos Importan One!

Songs 58:10

Da peopo dat stay do wass right, Wen dey see dat God Pay back da bad guys Fo wat dey wen do, Dey goin come real good inside. Jalike God goin get his feets wet Wit da blood from da bad guys.

Songs 139:23

Eh, God! Check me out Fo see how I stay deep inside. Go tes me, an know wat tings I tink bout dat bodda me.

Jeremiah 12:3

But you Da One In Charge, an you know me. You see wat I stay do, An you tes how I tink bout you. Drag dose guys away jalike dey sheeps ready fo da meat market! Pick dem fo kill, wen da time come fo kill dem!

Ezekiel 11:5

Den Da One In Charge Spirit take charge a me. He tell me fo tell da leada guys by da Temple gate dis message from Da One In Charge: “You Israel guys talk lidat. I know how you guys tink.

2 Kings 19:14

Hezekiah get da letta from da messenja guys, an read um. Den he go up da Temple Fo Da One In Charge, an put down da letta in front Da One In Charge.

Songs 7:10

God, he take kea me, jalike one shield, Da peopo dat do da right ting erytime, He get dem outa trouble.

Sad Song 3:58

Boss, you fight fo me wen I get trouble! You wen pay da price fo let me stay alive!

Sad Song 3:59

Da One In Charge, you see how dey no like Fo nobody judge me da right way. So now, you go judge me da right way!

Sad Song 3:64

Da One In Charge, pay dem back wat dey wen earn, Jalike how dey wen make me suffa!