Jeremiah 10:24 - Hawaii Pidgin Bible

²⁴ Show me wat da right ting fo me do Wen I stay do da wrong kine ting, But judge me da right way! No come huhu wit me wen you judge me, Cuz no good you make me come wipe out!

Jeremiah 10:24 Referans Kwoze

Songs 38:1

Eh! You Da One In Charge! Wen you tell me I stay do someting wrong, No come real huhu wit me Wen you give me lickins Fo teach me stuff!

Songs 6:1

Eh! You Da One In Charge! No scold me wen you stay huhu! No punish me wen you stay mad!

Jeremiah 30:11

I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Isaiah 40:23

He da One make da importan peopo come notting. He make da judge guys all ova da world jalike dey notting.

Job 6:18

Da guys wit horses an camels dat bring stuff fo sell, Dey turn away from da road. Dey go up wea eryting all look same same, an fo dem come wipe out.

Habakkuk 3:2

Da One In Charge, I hear wat peopo tell bout you. I get awesome respeck fo you, Fo all da awesome stuff you wen do awready. Try do um one mo time! Dese years right now, Make peopo know wat you wen do. No matta you stay huhu wit us, No foget show us guys pity!

Jeremiah 46:28

“No sked, you Jacob peopo, my worka guys, Cuz I stay wit you guys. No matta I stay wipe out all da peopos Wea I wen make you come dea prisonas, I no goin wipe out all you guys. I goin judge you guys da right way, An den I goin punish you guys, ony fo teach you. I no goin jus let you guys go, But I goin punish you guys.” Az wat Da One In Charge tell.

Songs 6:2

Eh! You Da One In Charge! Be good to me, cuz my body stay weak! Make my body come good, Cuz I sked an shaking all ova.

Isaiah 28:28

Fo make bread, firs gotta smash da wheat litto bit Fo take out da junks, But no need stay take out da junks all da time. Dey use da horses Fo move da wagon wheel ova um, But not fo smash da wheat real small kine.