Isaiah 66:7 - Hawaii Pidgin Bible

⁷ “Da ting dat goin happen fo Jerusalem town Goin be jalike one wahine dat goin born one bebe Befo she even start fo get labor pain! Even befo da labor pain come She born one boy!

Isaiah 66:7 Referans Kwoze

Isaiah 54:1

“Eh, my peopo! Sing an yell cuz you stay good inside! Cuz befo time, you guys Was jalike one wahine dat no mo her kids yet, Dat neva feel da sore from born one bebe. But now, eryting goin come good fo you guys, Jalike if dat wahine dat neva born one bebe, Now her get mo plenny kids Den da wahine dat get husban.” Dass wat Da One In Charge tell.

Galatia 4:26

But get anodda Jerusalem inside da sky, dat come from God fo da peopo dass not slaves. Az jalike oua muddah Sarah, dass not one slave.

John 16:21

You know, wen one wahine goin born one bebe, she sad cuz she stay suffa. But afta da bebe born, she no tink bout dat no moa. Den she stay good inside cuz one bebe born hea inside dis world.

Isaiah 37:3

Dey tell Isaiah, “Dis wat King Hezekiah tell: ‘Dis one day all us feel all bum out. God stay show dat us guys wen do wrong, an cuz a dat us come shame. Us stay jalike wen one bebe goin born, but da muddah not strong enuff fo born um.