Isaiah 64:10 - Hawaii Pidgin Bible

¹⁰ Da towns dat stay spesho fo you, Now no mo notting dea. Even on top Mount Zion, no mo notting! Yoa main town, Jerusalem, Stay all bus up!

Isaiah 64:10 Referans Kwoze

Isaiah 1:7

You guys land, nobody can live dea. Yoa big towns stay all burn up. You see da odda peopo take away All yoa food from yoa fields an eat um. An peopo from odda places take um ova.

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Daniel 12:7

Da guy wit da linen kine clotheses, dat stay up da riva, put his two hands up to da sky. I hear him make one strong promise in front God dat stay live foeva. He tell, “Goin be three an a half year till dat time come. Wen da one dat make big kine trouble pau take away da powa from da peopo dat stay spesho fo God, all da stuff I wen tell you goin come pau too.”

Sad Song 5:18

No mo notting stay on top da Temple hill dat dey call Mount Zion. Ony da wild jackal kine dogs go aroun dea.

2 Kings 25:9

He burn down da Temple Fo Da One In Charge, da king palace, all da houses inside Jerusalem, an ery importan building.

Luke 21:21

Den da peopo dat stay Judea side gotta run to da mountains. Da guys inside Jerusalem town gotta get out, an da guys inside da boonies betta not go back town.

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Isaiah 48:2

You guys tell dat you come From Jerusalem, da town dat stay spesho fo God, An dat you guys trus da God fo da Israel peopo— His name, Da One In Charge, Da God Ova All Da Armies.

Isaiah 52:1

Wake up! Wake up, you Jerusalem peopo! Come strong, An put on yoa fancy kine clotheses! Cuz yoa town, da one God make spesho fo him! Da guys dat no mo cut skin mark Fo show dey God peopo, An da ones dat do stuff dat make um So dey no can pray, Dey no goin go inside Jerusalem one mo time.

Jeremiah 52:13

Him an his guys burn down da Temple Fo Da One In Charge, da king palace, an all da houses inside Jerusalem, wea da importan peopo live befo time.

Sad Song 1:10

Da guys dat stay agains us Jerusalem peopo Wen grab all oua rich kine stuffs! Dey see da odda peopos dat donno you, God, Da ones you tell no can go inside da place Dat stay spesho fo you.

1 Records 23:5

4,000 goin be da security guard guys fo da gates, an 4,000 goin sing good stuff bout Da One In Charge wit da music instruments. I wen awready make da music instruments ready fo use fo tell good tings bout Da One In Charge.”

Isaiah 63:18

Ony short time, befo time, Da peopo dat stay spesho fo you Wen own da land. But now, da peopo dat stay make trouble fo us guys, Da Temple Dat Stay Spesho Fo You, Dey walk all ova um an broke um down, An make um fo nobody use um.

Sad Song 1:7

Wen da Jerusalem peopo get hard time an donno wea dey going, Dey no foget all da rich kine stuffs dey get befo time. Wen da guys dat wen fight da Jerusalem peopo catch um, No mo nobody help dem. Wen da guys dat wen fight dem look da town, Dey laugh cuz da Jerusalem peopo come wipe out.

Haggai 2:3

‘Get anybody from you guys dat come back hea alive now, dat wen see dis house befo time? You wen see um wen stay real awesome? How you tink stay now? Fo shua you tink dis one look jalike notting, aah?!’