Isaiah 61:4 - Hawaii Pidgin Bible

⁴ Dey goin build da ol broke down buildings one mo time An make um come jalike dey new. Dey goin build da broke down towns an make um new, No matta dey stay broke from dea ancesta guys time.

Isaiah 61:4 Referans Kwoze

Isaiah 58:12

Some a yoa peopo Goin build up one mo time da ol broke up town, An fix up da ol foundation, Dat yoa ancesta guys wen put firs time. Peopo goin call you guys ‘Da guys dat fix da broke up walls, Da guys dat fix da streets Fo peopo live dea.’

Songs 46:8

Go come see da kine tings Da One In Charge stay do! He do awesome an unreal tings Fo wipe out plenny place All ova da world,

Songs 74:3

Go up to da place Dat stay bus up all da time. Da army guys dat stay agains us Wen make eryting come bad Inside da Place Dat Stay Spesho Fo You!

Isaiah 52:9

Sing togedda cuz you guys stay feel real good inside, No matta Jerusalem town still stay all bus up! Dass cuz Da One In Charge take away da sore Dat his peopo feel inside. He pay da price Fo get da Jerusalem peopo outa trouble.

Zekariah 1:17

“Go tell dis too: Me, Da One In Charge, Da God Ova All Da Armies, tell: ‘Eryting goin come good fo da peopo inside my towns one mo time. I goin pick Jerusalem an make my peopo on top Mount Zion feel good inside one mo time!’ ”

Ezra 9:9

Even us guys wen stay slaves fo shua, you oua God, an you wen stay tight wit yoa peopo no matta us slaves. Az why you neva go way from us guys. You even make da king guys Persia side do good tings fo us. You make us jalike we come alive one mo time, fo us build yoa Temple one mo time, an fix da tings dat stay all bus up. You let us build one strong wall fo da Judah peopo Jerusalem side.

Micah 7:11

“Den Da One In Charge tell: ‘Bumbye, goin come time fo make yoa town walls good one mo time, An make yoa land mo big.