Isaiah 6:4 - Hawaii Pidgin Bible

⁴ Wen dey yell strong lidat, even da foundation unda da Temple door stay shake an da Temple fill wit smoke.

Isaiah 6:4 Referans Kwoze

Jesus Show 15:8

Den da Real Real Spesho Place stay full a smoke fo show God stay real awesome an he get plenny powa. Nobody can go inside dea till da seven angel guys pau do wat dey gotta do fo make da peopo suffa seven ways.

Jesus Show 11:19

Den God temple inside da sky come open fo see da Box Fo No Foget Da Deal dat get da Ten Main Rules inside. Den had lightning, an noise, an loud thunda. Da earth shake, an get big hail come down.

Ezekiel 10:5

Can hear da noise from da spesho angel watcha tings wings all da way from da outside open lanai. Soun jalike wen da God Dass Mo Importan Den All Da Odda Gods talk.

2 Records 5:13

Da guys dat blow da trumpets an da guys dat sing, dey all play an sing togedda jalike one voice, fo tell Da One In Charge “Mahalo plenny!” an tell good stuff bout um. Dey sing togedda wit da trumpets, da cymbals, an da odda tings fo make da music, an dey sing good stuff bout Da One In Charge lidis: “Sing! Cuz Da One In Charge, he good Cuz he stay tight wit us guys foeva.” Right den an dea, Da One In Charge fill his Temple wit one cloud!

Outa Egypt 40:34

da Cloud Dat Go From Da Groun To Da Sky cova da Tent Fo Come Togedda Wit God, an had one awesome light inside da whole Tent dat show dat Da One In Charge stay inside dea.

Amos 9:1

Amos tell: “Jalike one dream, I wen see my Boss. He stan right dea by da altar fo da sacrifice. He tell: “ ‘Go wack da top a da main poses fo da Temple! Till eryting undaneat da poses shake an fall down! Bus um up fo da whole ting fall down! Bring um down on top da head a all da peopo Dat still yet stay inside da Temple! Anybody stay alive still yet, I goin kill um wit da sword. No mo nobody goin get outa dea, No mo nobody goin run way!

Songs 18:8

God come huhu, Jalike smoke come outa his nose. Jalike fire come outa his mout Dat burn up stuff. From him, fire come Jalike kiawe stay burning.

Ezekiel 1:24

Wen da four tings move, I hear da noise from dea wings, soun jalike flash flood, jalike da voice from Da God Dat Get All Da Powa. An jalike da noise from one big army. Wen dey stan still, dey let dea wings res.

Ezekiel 41:16

All da door bottoms, an da skinny windows, an walls aroun all a dem get wood panels on top um. Eryting da odda side a da door bottoms, da floor, da walls up to da windows, an da windows all get wood panels on top um too.

Ezekiel 44:4

Den da bronze looking guy bring me inside thru da north gate. He take me in front da temple. I look, an you know wat I wen spock?! I see da awesome light dat stay aroun Da One In Charge fill up da temple! Den I fall down wit my face on top da groun.