Isaiah 6:3 - Hawaii Pidgin Bible

³ All da angel guys call out to da oddas, “Good an Spesho! Spesho! Spesho! Dass Da One In Charge, Da God Ova All Da Armies, How good an spesho he stay! Eryting inside da whole world, Show how awesome he stay!”

Isaiah 6:3 Referans Kwoze

Songs 72:19

I like fo erybody tell Good tings bout him all da time, Cuz dey know how awesome him! I like fo erybody all ova da world Know how awesome he stay! Dass it! Pau.

Ezra 3:11

Dey tell good tings bout Da One In Charge, an tell um “Mahalo plenny!” an dey sing fo Da One In Charge lidis: “Da One In Charge, he real good! He stay tight wit us Israel peopo foeva!” Den all da peopo yell loud an tell good tings bout Da One In Charge, cuz now da Temple Fo Da One In Charge get foundation.

Census 14:21

But fo shua no foget dis: Me, Da One In Charge, an I stay alive, an fo shua I awesome, an I fill up da whole earth!

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Zekariah 14:9

Erybody goin know Da One In Charge da ony king ova all da world. Dat time he goin be da ony God, an his name, Da One In Charge, goin be da ony name fo pray to.

Isaiah 40:5

Da One In Charge goin let erybody see how awesome he stay. Erybody inside da world goin see dat, same time. Cuz dass wat Da One In Charge wen tell!”

Isaiah 24:16

From da mos far places on top da earth We hear peopo sing, “Da peopo dat do da right ting erytime, Dey look real good!” But me, I tell dis: “Bummahs! Jalike I stay come wipe out! Cuz get peopo, I no trus dem. Dey tell, dey stay my side. But wen I wen trus dem, Dey trick me.

Songs 57:11

God, I like erybody know, Dat you mo big even den da sky! I like erybody on top da earth know How awesome you stay!

Efesus 1:18

God, I like you help oua Efesus braddahs an sistahs fo undastan mo betta da good kine stuff you wen promise fo do fo dem bumbye. Az jalike you goin open one light inside dem fo dem fo see. Den dey goin start fo wait fo da tings you wen promise cuz you wen tell dem fo come be yoa guys. Help dem fo know dat all da awesome stuff you wen promise fo give us goin be plenny. Az jalike da same ting you goin give all yoa kids cuz dey stay all out fo you.

Habakkuk 2:14

Cuz jalike da watta fill up all da oceans, All da peopo dat fill up da world goin know How awesome me Da One In Charge stay!

Songs 90:16

Us guys dat work fo you, We like see da tings you do, We like fo oua kids see How awesome you stay.

Songs 97:6

Da sky show dat he stay do Da right ting erytime, All da diffren peopos see How awesome Da One In Charge stay.

Songs 99:3

Good, all da peopos tell, “You, da mos importan one! You awesome!” Cuz dey know wat kine god him, An dey get choke respeck fo him. Da One In Charge, he good an spesho.

Isaiah 54:5

Az cuz fo my peopo, You jalike da wahine dat get husban now— Cuz jalike I yoa husban, Da One wen make you! Me, Da One In Charge, Da God Ova All Da Armies, Dass my name! I da One dat pay da price Fo get you outa trouble, I Da Good An Spesho God Fo da Israel peopo! Da God Fo Da Whole World, Dass wat dey call me!

Ezekiel 43:2

Den you know wat I wen see? I see da strong light from da awesome God fo da Israel peopo dat come from da east side! His voice soun jalike da big noise from one flash flood. An da land shine from da awesome strong light.

Ezekiel 44:4

Den da bronze looking guy bring me inside thru da north gate. He take me in front da temple. I look, an you know wat I wen spock?! I see da awesome light dat stay aroun Da One In Charge fill up da temple! Den I fall down wit my face on top da groun.

Songs 8:2

Even da tings dat come Outa da mout a kids an small bebes, You use dat! You show you get da powa Fo handle da peopo dat stay agains you An hate you An like pay you back.

Songs 66:2

Sing fo tell God he pono, An he da bestes! Tell um you stay good inside cuz a dat!

Songs 99:9

All you peopo, tell erybody dat oua God, Dass Da One In Charge a us, He da greates! Go down in front him, On top da hill dat stay spesho fo him, Cuz oua God, Da One In Charge a us, He good an spesho!