Isaiah 59:21 - Hawaii Pidgin Bible

²¹ Da One In Charge tell: “Dis, da deal I make Fo da peopo dat stay my side. My Spirit stay in charge a you guys, An da tings I give you guys fo tell— All dat no goin go way from you guys. You goin tell um erytime. An yoa kids goin tell um erytime. An dea kids goin tell um erytime From now an foeva.” Dass wat Da One In Charge tell.

Isaiah 59:21 Referans Kwoze

Hebrews 10:16

“Da One In Charge tell, ‘Afta dat time, dis da deal I goin make bumbye fo dem guys. I goin put my Rules inside dem, An I goin write um inside dea head.’ ”

Isaiah 51:16

I wen tell you wat fo tell. I cova you wit da shadow from my hand. I put da sky up dea wea stay. I put down da foundation fo da earth. I tell da Mount Zion peopo, ‘You guys, my peopo.’ ”

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

John 4:14

But whoeva drink da kine watta I goin give, dey no goin come thirsty no moa. Cuz da kine watta I goin give dem goin come jalike watta dat stay come out all da time. An dat watta goin make dem live to da max foeva!”

Isaiah 55:3

Go come by me, an lissen real good! Lissen, fo you guys come alive inside. I goin make one deal wit you guys Dat goin stay foeva: Da tings I wen promise King David dat I goin do Wen I tell I goin stay tight wit him foeva, I goin do all dat fo shua, Cuz I do wat I promise fo do!

Rome 8:9

But fo you guys, da way you wen live befo time, wen you live fo ony you, make shua da ol way no control you guys no moa. Cuz God Spirit live inside you, you guys get da powa fo do da kine stuff God Spirit like you fo do. If somebody no mo Christ Spirit inside him, dat guy not one Christ Guy.

John 3:34

Da Guy God Wen Sen tell wat God tell, cuz God no hold back wen God give him his Spirit.

John 7:39

Jesus tell dat bout God Spirit, cuz bumbye da peopo dat trus Jesus goin get God Spirit. Da time Jesus tell dat, dey neva get da Spirit yet, cuz God neva make Jesus come awesome to da max yet.

Isaiah 49:8

Dis anodda message from Da One In Charge fo his worka guy: “Wen da right time come, I goin tell you wat you like know. Wen da time come Fo me get da peopo outa trouble, I goin help you an take kea you. I goin make you da one Fo show da deal I get wit my peopo, Az fo real. I goin make da land fo dem use um one mo time, Da fields wea nobody work um long time, I goin give um back to da ohanas dat own um.

2 Corint 3:8

Az why wat God Spirit do inside us guys stay plenny mo awesome den dat!

John 17:8

Cuz I teach dem all da stuff dat you wen tell me, an dey take um. Dey know fo shua dat I wen come from you, cuz dey stay shua dat you wen sen me hea.

John 8:38

I tell bout da stuff I wen see, dat my Faddah show me, an you guys do da stuff you wen hear bout from you guys faddah.”

Rome 11:27

An I goin hemo dea shame fo da bad kine stuff dey wen do. I goin make one spesho deal wit dem”

Outa Egypt 4:15

You goin talk to yoa braddah an tell um wat he suppose to tell. I goin help you an him talk good, an I goin teach you guys wat you goin do.

Isaiah 32:15

Eryting goin stay lidat Till da Spirit from da sky come An take charge us guys. Dat time, da place wea nobody live, Goin get fields wea plenny stuff grow. Da field wea peopo tink plenny stuff grow now, Dat time dey goin tink, Look jalike one fores.

Isaiah 40:8

Da grass come all dry, An da flowas come poho an fall down, But wat oua God tell, Dat goin stay foeva.

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Isaiah 54:10

No matta no mo da mountain An da hills shake, Da way I stay tight wit you guys, Dat no goin change, An da deal I wen make wit you guys Fo make shua eryting stay good fo you, Dat goin still stay solid.” Dass wat Da One In Charge tell. He get love an pity fo you guys.

Isaiah 55:11

Dass jalike da tings I tell! Wen da words go out from my mout, Fo shua, I know Az not wase time! Da tings I tell, goin do wat I like um fo do, An make happen Wat I sen um fo make happen.”

Isaiah 57:19

I goin make da peopo talk diffren den befo time. Dey goin tell, ‘Da peopo far an nea, Dey goin come so notting bodda dem!’ ” An Da One In Charge tell, “Jalike my peopo stay sick, An I goin make dem come good.”

Songs 119:43

No hemo from my mout Da stuff I like tell bout you Dass fo real, Cuz you erytime do Wat you tell you goin do. Cuz da stuff you tell cuz you da judge, I trus um.

Smart Guys 7:3

Da tings I stay tell you, Make shua you tink bout um all da time. Make shua you tie um on top yoa finga, Make like you write um inside you Jalike one book, so you no foget.

Isaiah 66:22

“Jalike da new sky an da new earth dat I stay ready fo make, goin stay long time in front me, da peopo dat goin come from you guys goin stay long time, an peopo no goin foget wat kine peopo you guys, long time too.

Jeremiah 1:9

Den Da One In Charge touch my mout wit his hand. He tell, “Dea! I give you da words from me fo tell awready!