Isaiah 59:11 - Hawaii Pidgin Bible

¹¹ All us guys make sad kine noise jalike da bear. We soun sad jalike da dove. We stay wait fo God da Judge tell Dat us guys do da right kine ting, But he no tell notting. We stay wait fo somebody get us outa trouble, But dey too far away from wea us guys stay.

Isaiah 59:11 Referans Kwoze

Isaiah 38:14

I make noise jalike da swallow bird o da heron bird. An make sad kine noise jalike one dove. I try fo look up to you in da sky, But my eyes too tired, I can ony look down. I get plenny presha! Help fo take kea me, my Boss!

Ezekiel 7:16

Erybody dat still stay alive, dey goin run away to da mountains. Dey goin make sad kine noise jalike da valley kine doves cuz all dem wen do wass wrong.

Hosea 7:14

Dey no call me wit one good heart. Dey ony lay on top dea beds an cry loud. Dey cut dea body Fo odda gods give um wheat an barley an new wine, But dey tell ‘Laytas’ to me!

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Jeremiah 8:15

Us guys like eryting stay okay, But no mo notting good happen. Us guys like fo notting bad happen to us, But us guys ony stay real sked.

Isaiah 59:9

An dass how come God da Judge no tell Dat us guys stay do da right kine tings, Cuz us no do um. Us guys still stay far From do da right ting erytime. Us like do good tings, But jalike we like find light, but ony stay dark. Jalike we like da bright light come, But still yet, get ony shadow.

Isaiah 51:20

Yoa boys pass out. Dey lay down dea, da end a ery road. Jalike one deer dey catch inside one net. Yoa God, Da One In Charge, stay real huhu wit dem. An stay poin finga dem.

Songs 119:155

No way you goin get da peopo Dat do wass wrong outa trouble, Cuz dey no like fo know Wat you tell dey gotta do.

Songs 85:9

Fo shua, da peopo Dat show God plenny respeck, He goin get dem outa trouble real quick kine. Den, all ova oua land, Goin come awesome.

Songs 38:8

I stay real tired an bum out to da max. Cuz I stay sad inside, Dass why I stay moaning.

Songs 55:2

Lissen up an do someting! Get stuff dat bodda me plenny. Az why I no can res. I stay all futless

Isaiah 59:8

Dey donno how fo live wit aloha an no fight. Da way dey go, dey no mo judge Fo show um wass right. Dey pick da mos crooked way fo live. Anybody live dea way, Dey no goin find out how fo live wit aloha.

Isaiah 59:14

Oua peopo no let da judges tell Who dey gotta punish. Anybody like tell Bout wass right an wass wrong, Dey make um stay far. Anybody like tell da trut, Dey goin fall down on top da street. Anybody like do wass right, Dey no can even come inside oua town.

Sad Song 3:17

Get plenny stuff dat bodda me. I foget how was, wen eryting stay good.

Nahum 2:7

Da Nineveh peopo come prisonas an gotta go way. Da slave girls moan jalike doves. Dey wack dea ches fo show dey sad.

Songs 119:150

Da peopo dat like do pilau kine stuff, Dey come nea me. But dey stay far from yoa Rules.

Nahum 2:8

Nineveh town jalike one pool dat leak all da time, An da peopo jalike da watta dat run out. But now, peopo yell, “Stop! Stop!” But no mo nobody turn aroun an come back.