Isaiah 59:10 - Hawaii Pidgin Bible

¹⁰ We ack jalike guys dat no can see. We gotta touch da walls like peopo dat no mo eye. Noon time, we trip an almos fall down jalike almos dark. Wen we stay wit da strong guys, We feel jalike da mahke guys.

Isaiah 59:10 Referans Kwoze

Rules Secon Time 28:29

Even noon time, you guys goin feel aroun fo go some place, jalike one guy dat no can see notting cuz fo him, eryting stay dark. Eryting goin go bad fo you guys. Fo shua, erytime peopo goin give you guys hard time, an steal yoa stuffs. No mo nobody goin help you guys.

Job 5:14

Day time, eryting come dark aroun da akamai guys, ova an ova. Noon time dey no can see, an gotta feel wea fo go, jalike was nite time.

Sad Song 3:6

He make me stay wea ony real dark, Jalike da mahke peopo stay from long time befo time.

1 John 2:11

But whoeva hate dea braddah o sistah, az jalike dey stay inside da dark. Dey walk aroun inside da dark, an dey donno wea dey going, cuz da dark make um come blind.

John 12:40

“God make um fo dem no see, An make um hard head, Az why dey no like see wit dea eyes, No like undastan wit dea head, No like change an come by me. Az cuz dey no like fo me Make um come good.”

John 12:35

Jesus tell dem, “Me, I jalike da light fo you guys. Ony short time mo da light goin stay hea wit you guys. Live da right way now wen get light still yet, cuz no good da dark pio da light you get inside you. Whoeva walk aroun inside da dark, dey donno wea dey going.

Amos 8:9

Da One In Charge a me tell dis too: “Wen da time come, I goin make da sun come dark noon time. Dass wen da whole world goin come dark, no matta day time.

Sad Song 4:14

Az why now, da guys dat suppose to talk fo God an da pries guys Dey stagga thru da streets, Jalike da peopo dat no can see. Dey stay all pilau, cuz get blood all ova dem, Az why erybody sked fo touch dea clotheses.

Jeremiah 13:16

Tell erybody right now Dat yoa God, Da One In Charge, stay awesome. Cuz if you wait, Da One In Charge goin make you guys come bum out, Jalike he goin make eryting come dark fo you, An jalike he make you guys trip an fall down on top da mountains Wen come litto mo dark. You guys stay wait fo light come, But Da One In Charge goin make eryting come real dark Jalike you stay inside one skery big black cloud.

Isaiah 8:15

Jalike plenny peopo goin fall down ova dat big stone, An come all bus up. An jalike dey goin get stuck inside dat trap An come prisonas.

Smart Guys 4:19

Fo da peopo dat stay do bad kine stuff, Da way dey go, jalike stay real dark yet. Dey donno wat make dem fall down.

Isaiah 8:14

I stay good an spesho, Fo me come jalike one spesho place fo peopo hide an res. But fo da Judah ohana an da Israel ohana, I goin come jalike one stone an make dem trip an fall down. An one trap fo catch da peopo live inside Jerusalem.

Isaiah 28:13

Az why, fo dem guys, wat Da One In Charge tell um Goin be jalike wat he tell befo time: “Do dis, do dat, One rule, anodda rule, Litto bit hea, litto bit dea.” An dey goin go way, But den dey goin fall on dea okole. Dey goin come all bus up. Da army guys goin grab dem An dey goin come prisonas.

Ezekiel 21:15

Dis goin happen fo erybody come sked, An plenny peopo goin mahke. I put da guy wit da sword in da place fo kill plenny peopo By all da town gates. Bummahs fo dem! I make da sword shine jalike da lightning! Da guy grab um fo kill peopo.

Micah 3:6

Az why nite time goin make eryting dark fo you guys. You guys no goin dream notting. Goin come all dark, So you guys no can make ceremony fo find out Wass goin happen afta. Da sun goin go down fo you guys dat tell you talk fo me, Wat you guys stay do no goin be lidat no moa!