Isaiah 51:9 - Hawaii Pidgin Bible9 Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up! Gade chapit la |
Dat time, Da One In Charge goin go afta Da peopos dat donno him fo punish dem. He goin ack mean to dem, Cuz he get mo powa den dem, An can wipe um out, Jalike fo go afta da sea monsta Leviatan, Dat move an turn jalike one snake fo run away, Da One In Charge, He goin kill da sea monsta. He goin wack um wit his sword, Da real big an strong sword.
Gideon tell, “But mista, if Da One In Charge stay wit us guys, how come all dis bad kine stuff stay happen to us? Us no can see all da awesome kine stuff he do, dat oua ancesta guys wen tell us bout. Dey tell, ‘Da One In Charge wen bring us guys outa Egypt.’ But now Da One In Charge wen bag from us, an let da Midian guys win ova us guys!”
No mo any odda god eva dat wen take his peopo outa da land wea odda peopo stay! God wen make da Egypt peopo suffa fo tes um. He show how strong him wen he make dem come sick. He do unreal tings, an make war, an show his powa an do plenny real awesome an unreal kine stuff. Dass wat yoa God, Da One In Charge, wen do fo you guys Egypt side, an you guys see um happen!
So den, go tell da Israel peopo dis: Me, Da One In Charge. I goin take you guys away from da hard work dat da Egypt peopo make you guys do. Dey make you guys bus ass fo dem, but I goin get you guys outa all dat. I mo strong den da Egypt peopo, an I goin bus um up. I da judge, so I goin punish dem plenny.