Isaiah 51:2 - Hawaii Pidgin Bible

² Tink bout Abraham, da main ancesta guy All you guys come from, An Sarah, yoa main muddah. Wen I tell Abraham fo come be my guy, Was ony him, one guy. I do plenny good stuff fo him, An give him plenny kids an grankids.

Isaiah 51:2 Referans Kwoze

Ezekiel 33:24

“Eh! Fo Real Kine Guy! Da peopo dat live inside da bus up towns inside da Israel land, dis how dey talk: ‘Abraham, he ony one guy, but he wen take ova da land fo make um his property. Now us guys, we plenny peopo. Fo shua Da One In Charge wen give us da land fo come oua property.’

Isaiah 29:22

Da One In Charge, da One dat wen get Abraham outa trouble, tell dis bout da Jacob peopo, “Now, da Jacob peopo No goin come shame no moa. Dey no need get sked.

Start 24:35

Da One In Charge, he do plenny good tings fo my boss. Abraham one importan guy awready. God give um sheeps, goats, cows, silva an gold, guys an wahines fo slaves, camels, an donkeys, eryting.

Start 24:1

Abraham stay real ol awready now, uku plenny year ol. Da One In Charge wen make eryting come out good fo him.

Start 22:17

I goin make eryting come good fo you fo real kine. Da peopo dat goin come from you bumbye, I goin make dem come choke plenny peopo, jalike get plenny stars inside da sky an plenny sand on top da beach. An dey goin take ova da towns wea da peopo dat stay agains dem live.

Joshua 24:3

But I wen take yoa ancesta guy Abraham from da land da odda side a da Eufrates Riva, an lead him all ova da Canaan land. I give him plenny kids an grankids. I give him Isaac,

Rules Secon Time 1:10

Yoa God, Da One In Charge, make you guys come plenny peopo awready. Az why today you guys stay plenny jalike da stars inside da sky.

Isaiah 41:8

“But you Israel peopo dat work fo me An come from Jacob, I wen pick you guys. You get Abraham fo yoa ancesta, An he my fren.

Isaiah 43:27

Even yoa ancesta befo time wen do bad kine stuff. Even yoa guys dat talk fo me wen go agains me.

Isaiah 60:22

Da mos litto bit peopo goin come tousan peopo. Da mos small ohana goin come one strong country. Me, Da One In Charge! Wen da right time come, I goin make um happen, right den an dea!”

Isaiah 63:16

But you, you oua Faddah! Cuz no matta Abraham an Israel Dey donno notting bout us guys, You Da One In Charge, you oua Faddah! You da One wen do wat you gotta do Fo get us guys outa trouble from befo time. Cuz dass wat kine god you, An dass yoa name, Get Us Outa Trouble!

Rules Secon Time 26:5

Den you goin tell da pries guy in front Da One In Charge, “My ancesta guy come from da Aram land an move house all ova da place. He go Egypt side wit ony litto bit peopo, an stay ova dea. Bumbye dey come one importan nation, wit plenny peopo, an dey come strong.

Isaiah 48:1

You Jacob ohana peopo, Lissen wat I goin tell you guys. You guys get da Israel name too, from yoa ancesta, An you Jerusalem peopo all come from Judah. Wen you guys make one strong promise, You use Da One In Charge name. You tell da God dat Israel wen pray to Fo him make shua you do wat you wen promise fo do. Still yet, you guys no mean wat you tell, An you no do wass right.