Isaiah 5:21 - Hawaii Pidgin Bible

²¹ “Bummahs! fo da guys dat tink dey know eryting erytime, An tink dey smart fo undastan eryting.

Isaiah 5:21 Referans Kwoze

Rome 12:16

Live togedda wit plenny aloha fo each odda. No ack high makamaka. Mo betta you make frenz wit da kine peopo dat odda peopo tink dey no importan. No go tink you da ony one dass smart.

Smart Guys 3:7

“No get big head cuz you tink you real smart An know wat fo do erytime. Mo betta you stay sked a Da One In Charge, Fo stay away from bad kine stuff.

Smart Guys 26:12

Mo easy, fo teach one dumb buggah Dat no like learn notting, Den fo teach one guy Dat tink he know wat fo do erytime, But yet he donno.

Rome 1:22

Dey tell erybody dey smart an know wat fo do erytime. But cuz dey tink lidat, dey stay come mo stupid.

John 9:41

Jesus tell um, “If you guys no can see, den nobody can poin finga you guys. But you guys tell dat you guys can see, but you no can see fo real kine. Dass why God poin finga you guys.”

Smart Guys 26:16

One lazy buggah tink he know mo betta Wat fo do erytime, Den seven guys Dat can tell you how come dey do Wat dey stay do.

Rome 11:25

Braddahs, dis someting you guys gotta know dat was secret befo time. If you undastan um, den you no goin get big head cuz you tink you smart. Dis da secret: Da Israel peopo wen come hard head an neva like trus God, but dey no goin be lidat foeva. Bumbye wen all da peopo dass not Jew guys trus God, den da Jew guys goin trus um too.

Job 11:12

But one guy dat no mo brain no can start fo undastan stuff. Jalike one wild donkey bebe no can be one guy wen he born.

Isaiah 37:23

“ ‘Who you wen make shame, Sennakerib?! Who you talk bad bout, aah?! You wen go talk strong agains me! You tink you mo betta den me, Da Good An Spesho God fo da Israel peopo!

Isaiah 40:23

He da One make da importan peopo come notting. He make da judge guys all ova da world jalike dey notting.

Isaiah 47:10

You Babylon guys, you stay shua Dat wen you guys do bad kine stuff You stay okay. Cuz you tell, ‘Nobody see me.’ You tink you know plenny stuff An know wat fo do erytime. Inside, you tell, ‘Me, da ony one! No mo nobody jalike me, ony me!’

Isaiah 10:13

“Cuz da Assyria king tink, ‘I can do all dis cuz I strong, An I know wat fo do erytime, Cuz I undastan plenny stuff. I wen take away da lines dat stay block off Fo all da countries come part a my country. I wen take all dea rich stuffs. An take down dea kings, Cuz I one real strong guy.