Isaiah 49:11 - Hawaii Pidgin Bible

¹¹ Jalike I goin make all my mountains Come roads. An all my big roads, My peopo goin build um up Mo high den da land da road go across.

Isaiah 49:11 Referans Kwoze

Isaiah 11:16

Goin get one big wide easy road Fo God peopo dat still yet stay alive, An dat neva mahke inside Assyria, Jalike da time da Israel peopo come outa Egypt.

Isaiah 62:10

Go, pass thru da town gates. Make one place fo my peopo come back! Build up da big road. Take away da stones. Hold up one flag So da diffren peopos know wea fo go!

John 14:6

Jesus tell um, “No mo anodda guy can bring peopo to da Faddah, ony me. I bring peopo to um, jalike I da road. I da guy dat get da trut. I da guy dat make da peopo come alive fo real kine.

Isaiah 57:14

Den somebody tell dis too: “Pile up dirt on top da groun fo make one road! Make da road ready fo my peopo! Take away all da stuff from on top da road Fo my peopo no fall down!”

Isaiah 43:19

Look! I stay do someting new! Stay happen awready! You no see um, o wat?! I stay make one road inside da boonies, An I stay put streams wea nobody stay!

Songs 107:7

He make dem go da right way Fo reach one town fo make house.

Songs 107:4

Some a dem go all ova da boonies Cuz dey donno wea dey was going. Dey no can find one town Fo make house dea.

Isaiah 19:23

Dat time, goin get one big road go from Egypt to Assyria. Da Assyria peopo goin go Egypt side, an da Egypt peopo goin go Assyria side. An dey goin work togedda fo Da One In Charge.

Isaiah 52:12

But wen you guys come back from Babylon side, No need go real fas, Jalike you stay running away from dem. Cuz da God yoa ancesta guy Israel wen pray to, Da One In Charge, he goin go wit you guys. He goin go in front you guys An behind you guys Fo make shua nobody catch you.