Isaiah 48:12 - Hawaii Pidgin Bible

¹² “You Jacob peopo from da Israel ohana, Lissen wat I tell you guys. You da guys I wen call Fo come my peopo. I da One dass God fo real kine. I da One from da start, An mo den dat, I goin be da las.

Isaiah 48:12 Referans Kwoze

Isaiah 41:4

Me, Da One In Charge, I da One do all dis stuff, An me da One dat pau do wat I start fo do! Was me, Da One In Charge, wen tell da firs peopo fo come, An all da ones dat wen born afta dem too, An me da One goin tell da las ones wen dey pau!

Jesus Show 22:13

I da firs one from befo time, an da las, da start an da end, A an Z.

Jesus Show 1:8

Da One In Charge, he tell, “I eryting, from firs to las, A to Z.” He da One dat stay now, dat stay from befo time, an dat goin stay foeva! Him da One dat get all da powa!

Isaiah 44:6

Lissen up! Dis one spesho message from Da One In Charge! He da King fo da Israel peopo! He pay da price fo get dem outa trouble! He Da One In Charge, Da God Ova All Da Armies! Dis wat he tell: “Me, I da firs One, An I goin be da las One. No mo anodda God afta dat, ony me.

Isaiah 55:3

Go come by me, an lissen real good! Lissen, fo you guys come alive inside. I goin make one deal wit you guys Dat goin stay foeva: Da tings I wen promise King David dat I goin do Wen I tell I goin stay tight wit him foeva, I goin do all dat fo shua, Cuz I do wat I promise fo do!

Isaiah 43:11

Me, Da One In Charge. No mo odda gods dat can get peopo outa trouble, Ony me can!

Isaiah 49:1

You peopo inside da islans, lissen me! You peopo inside da far countries, lissen up too! Befo I born, Da One In Charge, he da One call me fo be his guy. From da time I born, he tell peopo bout me Cuz he know who me.

Isaiah 46:3

Lissen to me, you Jacob peopo, An all you Israel peopo Dat still stay on top da land. I wen carry you guys from da start, An wen lif up you guys from da time you wen born.

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Jesus Show 17:14

Dey goin make war an fight God Bebe Sheep Guy. But he goin win ova dem, cuz he Da One In Charge Ova All Da Bosses an da King ova all da kings! All da peopo dat God Bebe Sheep Guy wen pick an tell dem fo come be his guys, dey do wat dey tell dey goin do, an dey goin stay tight wit him.”

Jesus Show 2:8

Den da One I wen see tell me, “Da messenja guy I wen sen fo help da peopo dat come togedda fo church Smyrna side, write one letta to him, an tell um dis: “Da One dass firs an las, da One dat mahke an den come back alive, dis wat he tell:

Jesus Show 1:11

He tell, “Write down inside one book da stuff you goin see, an sen um to da peopo inside da seven churches, da ones inside Efesus, Smyrna, Pergamum, Tyatira, Sardis, Philadelphia, an Laodicea.”

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.

1 Corint 1:24

But get odda peopo, some a dem Jew guys an some a dem Greek guys, dey da ones God tell fo come be his peopo. Fo dem, Christ show um dat God get plenny powa an he know wat fo do erytime.

Rome 8:28

Us guys know dis too: God make eryting come out all good fo da peopo dat get love an aloha fo him. God da one wen pick dem fo do wat he like dem fo do. An God get dis plan from befo time wen he tell um, “Go come! Be my guys!”

Rome 1:6

Same ting fo you Rome guys too. You guys come from all da diffren peopos from diffren places, an Jesus Christ tell you guys, “Eh come! Be my guys!”

Matthew 20:16

Den Jesus tell, “Da guys dat come las, goin come firs, an da guys dat come firs, goin come las.”

Isaiah 51:7

“ ‘Lissen to me, you guys dat know wass right. You peopo dat get my Rules inside you, No sked if peopo try fo make you guys shame! No lose fight if dey talk any kine to you guys!

Isaiah 51:4

“Da One In Charge tell, ‘Lissen to me, all my peopo! Cuz I goin give my Rules to all da peopos, An wat I tell cuz I da Judge, Goin show all da nations wass right, Az goin be jalike one light fo show dem da way.

Isaiah 51:1

Da One In Charge tell: “Lissen to me, You guys dat like do da right kine stuff, An like know Da One In Charge. Tink bout wea you guys come from, Jalike somebody wen cut one small rock Outa one cliff, O jalike somebody cut one stone block From inside one quarry.

Isaiah 34:1

Go come nea by me ova hea, you peopo Inside da diffren countries Fo lissen wat I tell. I like all da peopos all ova da world, An eryting dat stay hea An grow hea inside da world fo lissen.

Smart Guys 8:32

“My kids, I tell dem, ‘You betta lissen good now!’ Da peopo dat do jalike how I stay do, Dey can stay good inside!

Smart Guys 7:24

So now den, my boys! Lissen to me! Tink bout wat I stay tell you guys!

Isaiah 40:26

Eh, you guys, look up inside da sky! Who you tink wen make all dis stuff?! Az da same One bring out da stars one by one. Get plenny a dem, jalike one army! He call da name fo ery star. Cuz God stay strong an get plenny powa, Ery star stay dea wen he call dea name.

Isaiah 43:10

Dis, wat Da One In Charge tell: “You guys goin tell Wat you know bout me. An I wen pick you guys fo work fo me, Fo you guys know who me, An trus me, an know dat I da One. Befo me, neva have anodda god. An no goin get no odda god afta me.

Isaiah 46:4

Even wen you guys come ol an get gray hair, I still Da One In Charge. I still goin help you guys. I wen make you guys An I goin carry you guys. I goin get you guys outa trouble.

Isaiah 44:1

“Kay den! You Jacob ohana peopo Dat work fo me, lissen! You Israel peopo, I wen pick you guys!”