Isaiah 44:8 - Hawaii Pidgin Bible

⁸ Eh my peopo! No shake an no come sked! I wen tell you guys bout dis long time befoa. I wen tell you guys how stay. You guys can tell wat you know bout me. You tink get anodda god jalike me?! No! No mo no anodda god dat stay strong an solid, Jalike one big rock. I know, no mo anodda god lidat!

Isaiah 44:8 Referans Kwoze

Isaiah 43:10

Dis, wat Da One In Charge tell: “You guys goin tell Wat you know bout me. An I wen pick you guys fo work fo me, Fo you guys know who me, An trus me, an know dat I da One. Befo me, neva have anodda god. An no goin get no odda god afta me.

1 Samuel 2:2

“No mo anodda god dat mo awesome an spesho den you, Da One In Charge! You da One, da ony One! You oua God, an you stay solid, jalike da bigges rock! No mo any odda god dat stay solid jalike you!

Rules Secon Time 4:35

“Da One In Charge wen show you guys all dese tings fo you guys know dat Da One In Charge, he da God fo real kine! No mo any odda God, ony him!

Rules Secon Time 4:39

“Today you gotta know dis, an tink bout um plenny—dat Da One In Charge, da God inside da sky up dea, an he da God fo da earth down hea too! No mo anodda God!

John 10:30

Me an my Faddah, we stay one.”

John 1:1

Da time eryting wen start, had one Guy. “God, He Talk,” dass who him. God an dat Guy, dey stick togedda, an da Guy stay God fo real kine.

Joel 2:27

Den you Israel peopo goin know dat I stay wit you guys. I yoa God, Da One In Charge. No mo anodda god. You guys my peopo, an you no goin come shame one mo time.

Isaiah 44:6

Lissen up! Dis one spesho message from Da One In Charge! He da King fo da Israel peopo! He pay da price fo get dem outa trouble! He Da One In Charge, Da God Ova All Da Armies! Dis wat he tell: “Me, I da firs One, An I goin be da las One. No mo anodda God afta dat, ony me.

Songs 18:31

Cuz no mo anodda God fo real kine. Da One In Charge, he da ony one! No mo anodda one dat stay strong, jalike one big solid rock. Oua God, he da ony one!

2 Samuel 22:32

Cuz no mo anodda god dass fo real. Da One In Charge, he da ony God! No mo anodda god dat stay strong Jalike he one big solid rock. Oua God, he da ony one!

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Isaiah 46:9

No foget da stuff dat wen happen Long time befo time. Cuz me, I God. No mo anodda god stay jalike me.

Daniel 6:22

My God wen sen his angel messenja guy fo make da lions no bite me. Dey no touch me notting, cuz God see me dat I neva do notting wrong. An I neva do notting wrong to you too, King Darius.”

Daniel 4:25

Da peopo goin make you go way from dem an go stay wit da wild animals. You goin eat grass jalike da cows an come wet wit da dew from da sky. Afta seven year, you goin know dat da God Dass Mo Importan Den All Da Odda Gods, get da powa fo tell all da govmens in da world wat dey gotta do. God can give whoeva he like come da king fo dem.

Daniel 2:47

Da king tell Daniel, “Fo shua yoa God stay da God ova all da odda gods, an da Boss ova us king guys. He da One dat show wat tings mean dat stay secret cuz you wen tell wat dis dream mean.”

Daniel 2:28

But, get one God inside da sky dat make peopo know da secret tings. King Nebukadnezzar, God wen make you know awready wat goin happen bumbye. Now, I goin tell you wat you wen dream, an tell all da pichas dat you wen see in yoa head wen you lay on top yoa bed.

Jeremiah 10:7

Erybody gotta get choke respeck fo you! Cuz you da king fo all da peopos. Az who you! Da diffren peopos get dea guys dat know wat fo do erytime, An dey get dea kings, But still yet no mo nobody stay jalike you!

Isaiah 48:5

Az why I wen tell you guys all dis stuff Long time befo time, befo wen happen. I wen make shua you guys hear um, So den you guys no can tell, ‘Az was my idol kine god dat do um, My wood kine god an my metal kine god, Dey da one tell fo make um happen!’

Isaiah 44:2

Dis one spesho message from Da One In Charge! He da One make you his peopo. He wen shape you inside yoa muddahs. An he goin help you guys. He tell: “Eh, no sked! You Jacob guys, you work fo me. You Israel peopo dat do wass right, I wen pick you.

Isaiah 43:12

I wen tell da peopo wassup, An get um outa trouble, An make shua dey hear all dis. No was some odda god from anodda place Dat do all dat stuff. An you guys, you can tell dem ova an ova Wat you wen see me do, Dat I da God fo real kine.” Az wat Da One In Charge tell.

Isaiah 42:9

All da stuff from befo time, happen awready. Now, goin get new kine stuff, An I da One tell bout um. Befo watevas start fo happen, I let you guys hear bout um. Jalike da seed stay inside da groun awready Befo da plant start fo grow.”

Isaiah 30:29

But you Judah guys goin sing, Jalike you sing Da nite you make spesho fo God Befo one spesho religious kine ceremony. You goin feel real good inside Jalike wen peopo play da flute An go up da hill wea Da One In Charge stay. He jalike one solid Rock fo da Israel peopo.

Ezra 8:22

I shame aks da King fo sen army guys an horse rida guys fo go wit us an make shua nobody come agains us guys wen we stay go. Cuz us guys wen tell da King befo time, “Oua God, he stay take kea all da peopo dat stay pray to him, but he stay real huhu agains all da peopo dat stay ack jalike he notting.”

Ezra 1:2

“Dis me King Cyrus, da king fo da Persia land. Da One In Charge, da God dat live inside da sky, he wen tell me fo take ova all da odda king guys inside da world. He give me da job fo build one temple fo him, inside Jerusalem town, inside da Judah land.

Rules Secon Time 32:31

Cuz dea gods dat stay strong jalike one rock Fo da guys dat stay agains us guys, Dey not strong like oua Rock! Even da guys dat stay agains us know dat!

Rules Secon Time 32:4

God, he jalike one big stone. Wateva he do erytime stay perfeck. Eryting he do stay right. He da God dat do wat he tell he goin do. He no do notting wrong. He ony do tings dass good an right.

Start 48:19

But Joseph faddah no like lissen. He tell, “Eh my boy, I know, I know. Da older one, he goin come one peopo too, an he goin come importan. Still yet, da younga braddah, him da one goin come mo importan den da odda one. Da peopo dat goin come from him, goin get mo plenny, dey goin come plenny diffren peopos.”

Start 46:3

God tell um, “Dis me, God, da same God yoa faddah wen pray to befo time. No sked go Egypt side. Wen you stay dea, I goin make da peopo dat goin come from you, come real rich an importan kine peopo.

1 John 1:2

Da One dat can make erybody come alive inside, he wen come by me an da odda peopo. Us wen see him, an now us tell you guys fo shua bout da real kine life he give peopo, da life dat goin stay to da max foeva! Dat life come from him. He wen stay wit da Faddah, an den he show up by us.

Hebrews 12:1

So den, wat bout us guys? All dose peopo dat trus God befo time, jalike dey all run one race. An now, jalike dey all stan aroun us guys fo spock us run da race. Az why we gotta hemo all da heavy kine stuff dat make us run slow, an da bad kine stuff dat jam us up. We gotta hang in dea an no give up, an run da whole race dass fo us.

Jesus Guys 14:15

“Eh you guys! How come you guys do all dis? Us ony peopo jalike you guys too! We come fo tell you guys da Good Stuff From God. We tell you guys ‘Turn away from all dis no good stuff, an look to da God dat stay alive foeva. He da God dat make da sky, da earth, an da ocean, an eryting inside um.

Jesus Guys 1:8

But you guys goin get spesho kine powa wen da Good An Spesho Spirit take charge a you. An den you guys goin tell da peopo in Jerusalem wat you know bout me, an same ting fo da peopo all ova Judea, Samaria, an all ova da world.”

John 6:10

Had plenny grass dea. Jesus tell his guys, “Make da peopo sit down.” So dey sit um down. Had bout five tousan guys dea.

Songs 86:10

Cuz you, you real big An you do awesome kine tings. You, you da ony one Dass God fo real kine!

Isaiah 17:10

Fo shua you guys foget bout God No matta he da One dat get you guys outa trouble. You no even rememba Dat he jalike one big rock fo you hide dea. Dass why you stay plant nice plants fo da god Adonis An da gods from anodda place.

Isaiah 26:4

Trus Da One In Charge foeva an eva, Cuz if you stay tight wit oua God, Dass Da One In Charge a us, Jalike you get one strong an solid rock dat stay foeva.

Isaiah 41:23

An tell us wat goin happen bumbye. Den we goin know dat you idol kine gods, You fo real! Do someting, good o bad, Den we goin come bum out an sked, Wen all us guys togedda see wat you do!

Isaiah 43:11

Me, Da One In Charge. No mo odda gods dat can get peopo outa trouble, Ony me can!

Isaiah 45:19

I no make secret kine wen I talk, Jalike I stay some place Inside one land wea no mo light. I neva tell da peopo dat come from Jacob ohana, ‘No matta you guys try fo find me, Dat no goin mean notting fo you guys.’ Me, Da One In Charge! Wat I tell, I tell um fo real kine.

Isaiah 48:3

Da One In Charge tell: “Long time befo, I wen tell All da firs tings dat goin happen. I wen make shua peopo hear bout um. Den, wen I stay ready, Right den an dea I do um, An da tings I wen tell, wen happen.

Songs 18:32

Dass da God dat make me strong fo fight. Ery place I go, God make eryting come okay fo me.

Isaiah 43:9

Da peopo inside all da countries, Dey come togedda an get meeting. Who from dem can tell us guys Bout all dis stuff dat stay happen now, An all da stuff dat wen happen befo time? Good dey bring in plenny guys Fo show proof dat dey stay tell da right stuff. Den da odda peopo goin hear, An tell, ‘Az true!’ ”