Isaiah 44:4 - Hawaii Pidgin Bible

⁴ Dey goin grow jalike trees wit grass all aroun dem, Jalike da poplar tree grow by da watta ditch.

Isaiah 44:4 Referans Kwoze

Isaiah 58:11

Da One In Charge goin show you guys Wea fo go all da time. He goin take kea wateva you guys need, No matta da sun stay hot an burn up da land. He goin make you guys stay strong An feel good. You goin be jalike one garden dat get plenny watta, Jalike one watta puka wea da watta no pau come out.

Songs 1:3

Dat kine peopo, dey jalike da trees Dat peopo plant nea da watta ditch, An ery year da tree give fruits Da right time An da leafs no come all dry an fall down. Eryting dose peopo do, Come out good fo dem.

Ezekiel 17:5

“ ‘Den da eagle take some a da seeds from da land ova dea, an put um inside some good dirt. He plant um nea plenny watta, jalike wea you plant one willow tree.

Jesus Guys 4:4

But plenny peopo dat wen hear dem trus wat dey tell. An bout five tousan peopo trus Jesus dat time.

Jesus Guys 5:14

Den plenny mo guys an wahines trus Da One In Charge, an come togedda wit dem.

Isaiah 61:11

Cuz jalike da groun make da plants come up, An da garden make da seeds grow, Dass how Da One In Charge a me Goin make peopo get um right wit him An tell good tings bout him In front da peopos from all da diffren countries!

Prieses 23:40

Day numba one, you guys goin take da bestes kine fruit from da trees, an palm branches, an odda branches wit leafs, an branches from da poplar tree. Fo seven day you guys goin show dat you stay good inside in front me, yoa God, Da One In Charge.

Job 40:22

Da thorn plants hide him inside dea shadow. Get poplar trees by da stream all aroun him too.

Job 5:25

You goin know dat you get plenny kids. Da ones dat goin come from you goin be plenny, Jalike da grass on top da groun.

Isaiah 48:19

I wen like fo yoa kids come plenny Jalike da sand on top da beach Dat no mo nobody can count, But dey no goin come plenny! I wen like fo dem no come wipe out foeva An no get cut off from me, But now, dey goin come wipe out! Dass wat Da One In Charge tell.