Isaiah 44:21 - Hawaii Pidgin Bible

²¹ “So den, you Jacob ohana peopo, No foget all dis stuff! Cuz you guys work fo me, You Israel peopo. I wen make you guys Fo work fo me. You Israel peopo, I no goin foget you guys.

Isaiah 44:21 Referans Kwoze

Zekariah 10:9

No matta I wen scatta dem wea da odda peopos stay, Still yet dey no goin foget me from da lands far away. Dem an dea kids goin stay alive, An dey goin come back.

Isaiah 43:15

Me, Da One In Charge, I da Good an Spesho God fo you Israel peopo. I wen make you Israel peopo. I yoa King!”

Isaiah 43:1

But now, dis da message from Da One In Charge Da One wen make you Jacob peopo, Dat make da Israel ohana how dey stay: “No sked! cuz I wen pay da price Fo all you guys So you no gotta be one slave. I call you by yoa name, An you mines.

Isaiah 43:7

Bring erybody dat get my name cuz dey my peopo. All da ones I wen make fo show erybody How awesome me.

Isaiah 42:23

Wat one a you guys goin lissen wat I tell?! Who goin lissen good An den do someting bumbye?

Rules Secon Time 32:18

You guys wen bag, an go way from da real God Dass jalike da Rock fo you guys, An da One dat stay jalike yoa Faddah. You guys foget da God dat wen bring you guys inside dis world.

Rules Secon Time 4:23

Make shua you guys no foget da deal Da One In Charge wen make wit you. No make any idol kine god dat look jalike someting yoa God, Da One In Charge, tell you guys fo no make.

Rules Secon Time 4:9

“Watch out fo shua dat you guys no foget da stuff you guys wen see Da One In Charge do! No foget bout um all da time you guys stay alive. Teach yoa kids all dis too, dem an dea kids afta dem.

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Isaiah 40:27

“You Israel peopo dat come from Jacob, How come you guys tell, ‘Da One In Charge no can see wat stay happen to me! My God no give a rip bout my rights!’