Isaiah 44:2 - Hawaii Pidgin Bible

² Dis one spesho message from Da One In Charge! He da One make you his peopo. He wen shape you inside yoa muddahs. An he goin help you guys. He tell: “Eh, no sked! You Jacob guys, you work fo me. You Israel peopo dat do wass right, I wen pick you.

Isaiah 44:2 Referans Kwoze

Jeremiah 1:5

“Eh Jeremiah! Befo time wen I put you togedda inside yoa muddah, I know you awready. Befo you born, I make you spesho fo me. I give you da spesho job Fo come one guy dat talk fo me to all da diffren peopos.”

Isaiah 43:1

But now, dis da message from Da One In Charge Da One wen make you Jacob peopo, Dat make da Israel ohana how dey stay: “No sked! cuz I wen pay da price Fo all you guys So you no gotta be one slave. I call you by yoa name, An you mines.

Isaiah 44:24

Dis one spesho message from Da One In Charge, Da One wen pay da price Fo get you guys outa trouble. He da One wen make you guys Inside yoa muddah. Dis wat he tell: “Me, Da One In Charge. I wen make eryting. I stretch out da sky An no mo nobody wit me dat time. Was ony me, wen I spread out da world.

Isaiah 43:7

Bring erybody dat get my name cuz dey my peopo. All da ones I wen make fo show erybody How awesome me.

Isaiah 49:1

You peopo inside da islans, lissen me! You peopo inside da far countries, lissen up too! Befo I born, Da One In Charge, he da One call me fo be his guy. From da time I born, he tell peopo bout me Cuz he know who me.

Efesus 1:4

Befo God make da world, he pick us awready fo come his guys an fo stay tight wit Christ. He wen like fo us come good an spesho fo him. So den no goin get nobody fo poin finga us guys. God know eryting bout us guys. He get choke love an aloha fo us.

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Rome 8:30

Da peopo God wen pick befo time, he tell um fo come be his guys. An dose same guys, God make um get um right wit him, an he make um come awesome jalike him.

Songs 71:6

Was you dat take kea me Even befo I born, You da one wen born me Outa my muddah. You da one I tell Good tings bout, foeva.

Isaiah 43:21

I wen make dose peopo fo me Fo dem talk story Bout da good tings I stay do.

1 Tessalonika 1:4

Eh, my braddahs an sistahs! We know dat God get love an aloha fo you guys, an he wen pick you guys fo come his peopo.

Luke 12:32

“You guys, you jalike bebe sheeps. No sked, cuz yoa Faddah da King like give you eryting he get.

Hebrews 4:16

So den, no need come sked. Us guys gotta come strong fo go in front God throne, cuz he like do plenny good kine stuff fo help us. He goin give us chance, an wen we need kokua, he goin kokua us.

Isaiah 44:21

“So den, you Jacob ohana peopo, No foget all dis stuff! Cuz you guys work fo me, You Israel peopo. I wen make you guys Fo work fo me. You Israel peopo, I no goin foget you guys.

Songs 46:5

God, he stay right dea In da middo a da town. Az why no mo notting Can wipe out da peopo dea. God goin help dem, Even wen come early morning time.

Isaiah 43:5

No sked cuz I stay wit you guys. I goin bring da ones dat goin come from you, from da east side, An bring all you guys togedda from da west side.

Isaiah 41:14

“No sked, you Jacob guys, No matta you no mo powa, jalike one worm. No sked, you Israel guys! I da One goin help you!” Az da spesho message from Da One In Charge, Da Good An Spesho God fo da Israel peopo, Da One dat pay da price Fo get you guys outa trouble.

Rules Secon Time 33:5

God, da king fo da Israel peopo dat stay do wass right, Wen da leadas fo da peopo all come togedda Wit da Israel ohanas.”

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.

Rules Secon Time 33:26

“No mo anodda god like da God fo Jeshurun, Az da Israel peopo dat stay do wass right, He ride from one side a da sky to da odda side Fo help you guys. He ride jalike da clouds one war wagon fo him Cuz he awesome.

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Isaiah 41:8

“But you Israel peopo dat work fo me An come from Jacob, I wen pick you guys. You get Abraham fo yoa ancesta, An he my fren.

Isaiah 45:11

Dis one message from Da One In Charge, Da Good An Spesho One fo da Israel peopo, Da One wen make dem. Dis wat he tell: “Bout tings dat goin happen bumbye, You tink you can aks me bout my kids?! No way! You tink you goin tell me how fo make Da stuff I make?! Not even!

Isaiah 49:5

So, now Da One In Charge tell me bout dis— (He da One wen make me inside my muddah, Fo me work fo him. Da One In Charge like fo me bring back Da Jacob ohana an all da Israel ohanas Fo come his guys one mo time. Da One In Charge get respeck fo me. He my God, da One make me strong.)

Jeremiah 30:10

“So no sked, you peopo dat come from Jacob dat work fo me. No come bum out, you Israel peopo!” Az wat Da One In Charge tell. “Cuz I da One goin get you outa trouble in da far place, I goin take da peopo dat goin come from you Outa da land wea dey stay prisonas. Jalike befo time, no mo notting goin bodda da ones dat come from Jacob. No mo nobody goin make dem come sked no moa.

Songs 95:6

Eh come! We go down In front Da One In Charge, We go down in front da One Dat wen make us guys.